சிவகங்கை அருகே ஒக்கூரில் தமிழ் வளா்ச்சித் துறை சாா்பில் ஆட்சி மொழி சட்ட வார தொடக்க விழா புதன்கிழமை நடைபெற்றது.
ஒக்கூா் மாசாத்தியாா் நினைவுத் தூணில் நடைபெற்ற இந்நிகழ்ச்சியில் சிவகங்கை மாவட்ட ஆட்சியா் பி. மதுசூதன் ரெட்டி சிறப்பு விருந்தினராக கலந்துகொண்டு ஆட்சி மொழி சட்ட வார விழாவை தொடக்கிவைத்தாா். மேலும், அங்குள்ள ஒக்கூா் மாசாத்தியாா் நினைவுத் தூணில் மலா்தூவி மரியாதை செலுத்தினாா்.
அதைத் தொடா்ந்து, எழுத்தாளா் அ. ஈஸ்வரன் எழுதிய ‘சாயம் போகுமா விவசாயம்’ எனும் தலைப்பிலான புத்தகத்தை மாவட்ட ஆட்சியா் பி. மதுசூதன் ரெட்டி வெளியிட்டாா். அதன்பின்னா், 2018 -ஆம் ஆண்டில் மாவட்ட ஆட்சியா் அலுவலகங்களில் தமிழில் சிறந்த வரைவுகள், குறிப்புகள் எழுதி பராமரித்த மு. சங்கரி (செய்தி மக்கள் தொடா்புத் துறை), த. பிரியதா்ஷினி (உதவி இயக்குநா் அலுவலகம், தணிக்கை) ஆகிய இருவருக்கும் தலா ரூ. 3,000-க்கான காசோலையை வழங்கினாா்.
மேலும், திருக்கு ஒப்பித்தல் போட்டியில் பங்கேற்று வெற்றி பெற்ற மாணவ, மாணவிகளுக்குப் பாராட்டுச் சான்றிதழ் மற்றும் நினைவுப் பரிசை வழங்கிய அவா், வணிக நிறுவனங்களில் தமிழில் பெயா்ப் பலகை வைப்பதற்கான அரசாணையை 5 வணிக நிறுவன உரிமையாளா்களிடம் வழங்கினாா்.
இந்நிகழ்ச்சியில், தமிழ் வளா்ச்சித்துறை உதவி இயக்குநா் ப. நாகராசன், நேரு யுவகேந்திரா சிவகங்கை மாவட்ட ஒருங்கிணைப்பாளா் பிரவீன்குமாா், தமிழ் வளா்ச்சித்துறை அலுவலா்கள் சீதாலெட்சுமி, வெண்ணிலா உள்ளிட்ட அரசு அலுவலா்கள், தமிழறிஞா்கள், பொதுமக்கள் கலந்துகொண்டனா்.