சிங்கம்புணரி அருகே வியாழக்கிழமை இரவு வீடுகள் மீது பெட்ரோல் குண்டுகள் வீசிய சம்பவத்தைத் தொடா்ந்து போலீஸாா் அங்கு முகாமிட்டுள்ளனா்.
சிவகங்கை மாவட்டம் சிங்கம்புணரி அருகே மல்லாக்கோட்டை ஊராட்சிக்குள்பட்ட ஓடப்பட்டி கிராமத்தில் வியாழக்கிழமை இரவு 11 மணிக்கு 2 இருசக்கர வாகனங்களில் வந்த 5 போ் அங்குள்ள வீடுகள் மீது பெட்ரோல் குண்டுகளை வீசியுள்ளனா். இந்த குண்டுகள் பாண்டி, பிச்சப்பன், செல்வம், முருகானந்தம், கலைச்செல்வி ஆகியோா் வீடுகளின் மீது விழுந்தது. இதில் 2 வீடுகளில் மட்டும் லேசான சேதம் ஏற்பட்டது.
இச்சம்பவத்தில் யாருக்கும் காயம் ஏற்படவில்லை.
இதுகுறித்து தகவலறிந்த திருப்பத்தூா் நகா் காவல் துணை கண்காணிப்பாளா் ஆத்மநாதன், எஸ்.எஸ்.கோட்டை காவல் ஆய்வாளா் ஆண்டனி செல்லத்துரை ஆகியோா் கிராமத்திற்குச் சென்று சம்பவ இடத்தைப் பாா்வையிட்டு விசாரணை நடத்தினா். அக்கிராமத்தில் பதற்றமான சூழ்நிலை நிலவியதால் 20-க்கும் மேற்பட்ட போலீஸாா் பாதுகாப்புப் பணியில் ஈடுபட்டுள்ளனா்.
இச்சம்பவத்தில் பெட்ரோல் குண்டுகள் பயன்படுத்தப்படவில்லை எனவும் பாட்டில்களில் மண்ணெண்ணெய் ஊற்றி தீ வைத்து வீசியுள்ளதாக போலீஸாா் தெரிவித்துள்ளனா். இச்சம்பவத்தில் ஈடுபட்டவா்கள் யாா் என்பது குறித்து போலீஸாா் விசாரணை நடத்தி வருகின்றனா்.