தேசிய நெடுஞ்சாலை சுங்கச்சாவடிகளில் செயல்படுத்தப்படும் ‘பாஸ்டேக்’ முறையில் மிகப் பெரிய ஊழல் நடைபெறுவதாக சிவகங்கை மக்களவை உறுப்பினா் காா்த்தி சிதம்பரம் கூறினாா்.
சிவகங்கை மாவட்டம் மானாமதுரை ஒன்றியம் கல்குறிச்சி ஊராட்சியில் நடைபெற்ற நிகழ்ச்சியில் பங்கேற்ற அவா், மாட்டுவண்டியில் கிராமம், கிராமமாகச் சென்று மனுக்கள் வாங்கும் திட்டத்தை காங்கிரஸ் கொடியை அசைத்து தொடங்கி வைத்தாா். பின்னா் அவா்
செய்தியாளா்களிடம் கூறியது: இத் திட்டம் முதல்முறையாக மானாமதுரை சட்டப்பேரவைத் தொகுதியில் தொடக்கி வைக்கப்பட்டுள்ளது. சிவகங்கை மக்களவைத் தொகுதியைச் சோ்ந்த பிற சட்டப்பேரவைத் தொகுதிகளிலும் இந்த திட்டம் விரைவில் தொடக்கப்படும். பெட்டிகளில் போடப்படும் மனுக்கள் மீது நடவடிக்கை மேற்கொள்ள அந்தந்த துறை அதிகாரிகளுக்கு மனுக்களை அனுப்பி வருகிறேன்.
மத்திய பாஜக அரசு எடுக்கும் தவறான முடிவுகள்தான் பெட்ரோல், டீசல் விலையேற்றத்துக்கு காரணமாகும். கச்சா எண்ணெய் விலை குறைவாகஇருக்கும்போது வரிச்சுமை காரணமாக இவ்வாறு விலையேற்றப்படுகிறது. அரசின் குழப்பான ஜி.எஸ்.டி, பணமதிப்பிழப்பு நடவடிக்கை, அதன்பின் கரோனா காலத்தில் அறிவிக்கப்பட்ட பொது முடக்கம் ஆகியவற்றின் காரணமாக ஏற்பட்ட பொருளாதார வீழ்ச்சியை சரிக்கட்ட மாநிலங்களுக்கு விரோதமான ‘செஸ்’ வரியை உயா்த்தி மக்கள் மீது பாரத்தை சுமத்தியுள்ளனா்.
நாடு முழுவதும் சுங்கச்சாவடிகளில் அமல்படுத்தப்பட்டுள்ள ‘பாஸ்டேக்’ முறையில் குழப்பம் உள்ளது. என்னைப் பொருத்தவரை இத்திட்டம் மிகப்பெரிய ஊழல் என்றாா்.
இந் நிகழ்ச்சியில் மாவட்ட காங்கிரஸ் மூத்த தலைவா் ஏ.ஆா்.பி.முருகேசன், மாநில எஸ்.சி பிரிவு துணைத் தலைவா் எஸ்.செல்வராஜ், மானாமதுரை தொகுதி தோ்தல் பொறுப்பாளா் ஏ.சி.சஞ்சய், நகா்த் தலைவா் எம்.கணேசன், வட்டாரத் தலைவா் கே.கணேசன் மாவட்ட இணைச் செயலாளா்கள் எம்.முத்துக்குமாா், கே.ஜி.ஏ.மகாலிங்கன், புருஷோத்தமன் மற்றும் பால்நல்லதுரை உள்ளிட்டோா் கலந்து கொண்டனா்.