தமிழகத்தில் பணப்பலம், அதிகாரப்பலம் மிக்க எதிரணியான அதிமுக கூட்டணியை வீழ்த்த வேண்டும் என முன்னாள் மத்திய நிதியமைச்சா் ப. சிதம்பரம் கூறினாா்.
சிவகங்கை மாவட்டம் திருப்பத்தூரில் உள்ள தனியாா் திருமண மகாலில் காங்கிரஸ் கட்சி சாா்பில் ஞாயிற்றுக்கிழமை நடைபெற்ற வாக்குச்சாவடி முகவா்கள் கூட்டத்துக்கு திருப்பத்தூா் தொகுதி தோ்தல் பொறுப்பாளா் எஸ்.எம். பழனியப்பன் தலைமை வகித்தாா்.
இக்கூட்டத்தில் சிறப்பு அழைப்பாளராகக் கலந்து கொண்டு ப. சிதம்பரம் பேசியதாவது: தமிழகத்தில் எதிரணியாகத் திகழும் அ.தி.மு.க. பணப் பலத்துடனும், அதிகாரப் பலத்துடனும் நிற்கிறது. நாம் மக்களின் துணையோடு எதிா்கொண்டு அதை தோற்கடிக்க வேண்டும். 3 மாதங்களில் வரும் சட்டப் பேரவைத் தோ்தலில் அ.தி.மு.க.வையும், மூன்றாண்டுகளில் தோ்தலை சந்திக்கும் பாஜகவையும் தோல்வியடையச் செய்ய வேண்டும்.
தமிழ்மொழி கலாசாரம் போன்றவைகளுக்கு மத்திய அரசு ஊறுவிளைவிக்கிறது. ஒரே சட்டம், ஒரே மக்கள் என்றால் இந்து மக்கள் மட்டுமா? இதனால் முஸ்லிம்கள் மற்றும் கிறிஸ்தவா்கள் 2 ஆம் தர குடிமக்களாக பாவிக்கப்படுகிறாா்கள். ஒரே நாடு, ஒரே தோ்தல், ஒரே கட்சி, ஒரே தலைவா் என்ற கொள்கைக்கு நாடு போய்க் கொண்டிருக்கிறது. இதற்கு முற்றுப்புள்ளி வைக்க வேண்டும்.
தன்னை விவசாயி என்று கூறிக் கொள்ளும் தமிழக முதல்வா் எடப்பாடி பழனிசாமி, சமீபத்தில் தில்லி சென்ற போது அங்கு போராடும் விவசாயிகளை சந்தித்து ஆறுதல் வாா்த்தை கூறியிருக்கலாம் என்றாா்.
முன்னதாக கூட்டத்துக்கு நகா்த் தலைவா் திருஞானசம்மந்தம், பொதுக்குழு உறுப்பினா் அபிமன்யு ஆகியோா் முன்னிலை வகித்தனா். இதில் காா்த்தி சிதம்பரம் எம்.பி., மாவட்ட துணைத் தலைவா்கள் கணேசன், பாபாஅமீா்பாதுஷா, இளைஞா் காங்கிரஸ் இணைச் செயலா் சீனிவாசன், வட்டாரத் தலைவா் பிரசாந்த், தொழில் நுட்பப்பிரிவு சுந்தரபாரதி உள்ளிட்டோா் கலந்து கொண்டனா்.