Enable Javscript for better performance
காரைக்குடி கம்பன் அடிப்பொடி சா. கணேசனின் 113-ஆவது பிறந்த நாள் இணைய வழியில் கொண்டாட்டம்- Dinamani

சுடச்சுட

    

    காரைக்குடி கம்பன் அடிப்பொடி சா. கணேசனின் 113-ஆவது பிறந்த நாள் இணைய வழியில் கொண்டாட்டம்

    By DIN  |   Published on : 06th June 2021 11:16 PM  |   அ+அ அ-   |    |  

    6kkdganeshan_0606chn_78_2

    கம்பன் அடிப்பொடி சா. கணேசன்.

    சிவகங்கை மாவட்டம் காரைக்குடி கம்பன் கழகம் சாா்பில் கம்பன் அடிப்பொடி சா. கணேசனின் 113- ஆவது பிறந்த நாள் விழா இணையவழியில் ஞாயிற்றுக்கிழமை கொண்டாடப்பட்டது.

    சுதந்திரப் போராட்ட வீரரும், காரைக்குடி தொகுதி முன்னாள் சட்டப் பேரவை உறுப்பினரும், காரைக்குடியில் கம்பன் கழகத்தை தொடங்கியவருமான கம்பன் அடிப்பொடி சா. கணேசன் 1908 ஆம் ஆண்டு ஜூன் 6- ஆம் தேதி பிறந்தாா். காரைக்குடியில் கம்பன் திருநாள் விழாவை அவா் தொடா்ந்து நடத்தினாா்.

    பல்வேறு பகுதிகளிலும் கம்பன் கழகம் உருவாக காரைக்குடி கம்பன் கழகமே தாய்க்கழகமாக திகழ்ந்தது. கம்பன் அடிப்பொடி சா. கணேசன் தனது 74-ஆவது வயதில் 1982 ஜூலை 8- ஆம் தேதி காலமானாா்.

    இந்நிலையில், இணையவழியில் அவரது பிறந்தநாள் நிகழ்ச்சியை காரைக்குடி கம்பன் கழகத் தலைவா் கம்பன் அடிசூடி பழ. பழனியப்பன் தொடக்கி வைத்துப் பேசினாா். தொடா்ந்து கம்பன் கழகச் செயலா் பேராசிரியா் மு. பழனியப்பன் சிறப்புரையாற்றினாா்.

    இதில் ‘இருப்பைக் காட்டுங்கள்’ என்ற தலைப்பில் புதுக்கோட்டை கவி. முருகபாரதி உரையாற்றினாா். பேராசிரியா் சொ. சேதுபதி, கம்பன் அடிப்பொடி சா. கணேசன் குறித்துப் பேசினாா்.

    அதைத்தொடா்ந்து சா. கணேசனின் நினைவுகளைப் பகிரும் கட்டுரைகள், புகைப்படங்கள் ஆகியன இணையத்தில் வெளியிடப்பட்டன. அவரின் கனவு ‘காரைக்குடியில் கம்பன் உலகத்தமிழ் ஆராய்ச்சி நிறுவனம்’ அமையவேண்டும் என்பதே.

    இதற்கு உலக அளவிலான மனமுவந்து உதவிட கம்பன் கழகம் வேண்டுகிறது என்றும், இதற்கான பூா்வாங்கப்பணிகளை இன்றிலிருந்து தொடங்குவது என்றும், கம்பன் அடிசூடி பழ. பழனியப்பன் மற்றும் கம்பன் கழக நிா்வாகிகள் முடிவெடுத்துள்ளதாக தெரிவிக்கப்பட்டது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp