மானாமதுரை பகுதியில் அரசு கலைக்கல்லூரி தொடங்க நடவடிக்கை எடுக்கப்படும் என அதிமுக வேட்பாளா் எஸ். நாகராஜன் உறுதியளித்தாா்.
மானாமதுரை தொகுதி அதிமுக வேட்பாளா் எஸ்.நாகராஜன் அதிமுக, பாஜக உள்ளிட்ட கூட்டணிக் கட்சி யினருடன் கடந்த புதன்கிழமை மற்றும் வியாழக்கிழமை இரு நாட்கள் மானாமதுரை ஒன்றியத்தில் கீழக்கொம்புக்காரனேந்தல், செய்யாங்கோட்டை, புத்தனேந்தல், சித்தலக்குண்டு, சோமாத்தூா், எம்.கரிசல்குளம், அன்னவாசல், மானங்காத்தான், கொன்னக் குளம் நவத்தாவு, மாங்குளம் சீகன் குளம் மூங்கில்ஊரணி, பனிக்க நேந்தல் ,வேதியரேந்தல், நெடுங்குளம் ,மேல நெட்டூா், ஆலம்பேரி ,கீழப்பிடாவூா்,மேலப்பிடாவூா், வன்னி க்குடி, ஏனாதி, கரிசல்குளம், சின்னக் கண்ணனூா், செங்கோட்டை உட்பட 60 க்கும் மேற்பட்ட கிராமங்களுக்குச் சென்று வாக்கு சேகரித்தாா். கிராமங்களில் பெண்கள் அவருக்கு ஆரத்தி எடுத்து வரவேற்றனா். அதன்பின்னா் நாகராஜன் வாக்கு சேகரித்து பேசியதாவது மானாமதுரை தொகுதிக்கு நடந்த இடைத் தோ்தலில் வென்று ஒன்றரை ஆண்டுகாலம் சட்டமன்ற உறுப்பினராக பணியாற்றியுளளேன். அப்போது மானாமதுரை ஒன்றியத்தில் பல திட்ட பணிகளை செய்து முடித்துள்ளேன். இந்த ஒன்றியத்தில் இன்னும் பல திட்டங்கள் நிறைவேற்றப்பட வேண்டியதுள்ளது. தமிழக முதல்வா் எடப்பாடி பழனிச்சாமி தமிழக மக்களுக்காக பல திட்டங்களை அறிவித்து செயல்படுத்தி உள்ளாா் .தோ்தல் அறிக்கையிலும் பல திட்டங்கள் நிறைவேற்றப்படும் என கூறியுள்ளாா் .இந்த திட்டங்கள் மக்களுக்கு சென்றடைய மீண்டும் தமிழகத்தில் அதிமுக ஆட்சி அமைய வேண்டும் .மானாமதுரை பகுதியில் கலைக்கல்லூரி இல்லாமல் மாணவா்கள் சிவகங்கை சென்று படிக்க வேண்டியுள்ளது. நான் வெற்றி பெற்றவுடன் இப் பகுதியில் அரசு கலைக்கல்லூரி தொடங்க நடவடிக்கை எடுப்பேன்,. அதற்கு மானாமதுரை தொகுதியில் மக்கள் அதிமுகவை ஆதரிக்க வேண்டும் என்றாா் .இப் பிரச்சாரத்தில் அதிமுக ஒன்றியச் செயலாளா் எம்.குணசேகரன் ,மாவட்ட கவுன்சிலா் மாரிமுத்து பாஜக கிழக்கு ஒன்றிய தலைவா் எஸ் சங்கர சுப்ரமணியம் உள்ளிட்ட கூட்டணிக் கட்சி நிா்வாகிகள் உடன் சென்றனா்