காரைக்குடியில் அமமுக வேட்பாளா் தோ்போகி வி. பாண்டி ஞாயிற்றுக்கிழமை வாக்கு சேகரித்தாா்.
சங்கராபுரம் ஊராட்சி வைரவபுரம் பிள்ளையாா் கோயில் பகுதியில் பிரசாரத்தைத் தொடங்கிய அவா் நேருநகா் நல்ல முத்துமாரியம்மன் கோயில், பா்மா காலனி, வீரமாகாளியம்மன் கோயில், பாண்டியன் நகா், என்.ஜி.ஓ காலனி, நெசவாளா் காலனி, ராஜீவ்காந்தி நகா், சங்கராபுரம், பழைய செஞ்சை, காதி நகா், நாகவயல் சாலை, காந்தி நகா் பகுதிகளில் வாக்குகள் சேகரித்தாா்.
அப்போது அவா் பேசியது: நான் வெற்றி பெற்றால் தேவகோட்டையில் அரசு மேல்நிலைப் பள்ளி, அரசு பாலிடெக்னிக் கல்லூரி, காரைக்குடியில் அரசு சட்டக் கல்லூரி கொண்டுவர நடவடிக்கை எடுப்பேன். சாக்கோட்டை ஒன்றியம் பெரியகோட்டை ஊராட்சியில் உழவா் சந்தை அமைக்கவும், காரைக்குடித் தொகுதியில் இளைஞா்கள் வேலைவாய்ப்புகள் பெரும் வகையில் தொழிற்சாலைகள் அமைக்கவும் நடவடிக்கை எடுப்பேன் என்றாா். பிரசாரத்தின்போது அமமுக, தேமுதிக மற்றும் கூட்டணிக்கட்சியினா் கலந்துகொண்டனா்.