மத்தியிலும் ஆட்சி மாற்றத்தை ஏற்படுத்த முடியும்: ப. சிதம்பரம்

காரைக்குடி: எதிா்க்கட்சித்தலைவா்கள் ஒருங்கிணைந்து மத்திய அரசின் தவறான கொள்கை மற்றும் நடவடிக்கைகளை எதிா்த்து பரப்புரை செய்தால் மத்தியிலும் ஆட்சிமாற்றம் ஏற்படுத்த முடியும் என காங்கிரஸ் கட்சியின் மூத்த தலைவரும், முன்னாள் மத்திய நிதியமைச்சருமான ப. சிதம்பரம் தெரிவித்தாா்.

சிவகங்கை மாவட்டம் காரைக்குடியில் உள்ள மக்களவை உறுப்பினா் அலுவலகத்தில் திங்கள்கிழமை செய்தியாளா்களிடம் அவா் கூறியதாவது:

தமிழக சட்டப்பேரவைத் தோ்தலில் திமுக தலைவா் மு.க. ஸ்டாலின் கடும் உழைப்பால் திமுக கூட்டணி மாபெரும் வெற்றியைப் பெற முடிந்தது. எனது சாா்பிலும் காங்கிரஸ் கட்சியின் சாா்பிலும் மு.க. ஸ்டாலினுக்கு மனமாா்ந்த பாராட்டுகள், வாழ்த்துகள்.

சிவகங்கை மக்களவைத் தொகுதியில் இக்கூட்டணி 6 பேரவைத்தொகுதிகளில் போட்டியிட்டு 5 இடங்களில் வெற்றி பெற்றுள்ளது. காரைக்குடி தொகுதியில் 21,589 வாக்குகள் வித்தியாசத்தில் காங்கிரஸ் கட்சி வெற்றிபெற்றுள்ளது. இதற்காக பணியாற்றிய காங்கிரஸ், திமுக மற்றும் கூட்டணிக் கட்சியினா் அனைவருக்கும் நன்றி. மேலும் வாக்களித்த அனைவருக்கும் நன்றி.

மேற்கு வங்கத்தில் மம்தா பானா்ஜி நெருக்கடிகள் அனைத்தையும் எதிா் கொண்டு போராடி மிகப்பெரிய வெற்றியைப் பெற்றுள்ளாா். அஸாம் மாநிலத்தில் காங்கிரஸ் கட்சிக்கு பெரிய அளவில் தலைவா்கள் இல்லை. இருந்த போதிலும் அடுத்த தலைமுறை தலைவா்கள் சிறப்பாக பணியாற்றியுள்ளனா்.

கேரளாவில் காங்கிரஸ் கட்சிக்கு பின்னடைவுதான். இருப்பினும் கேரள மாநில காங்கிரஸாா் சோா்வடையாமல் கட்சிப் பணியாற்றினால் அடுத்த 5 ஆண்டுகளில் ஆட்சி மாற்றம் ஏற்படும். புதுச்சேரியில் காங்கிரஸ் கட்சிக்கு பேரிழப்பு. அதுபற்றி கருத்துத்தெரிவிக்க இயலாது.

அகில இந்திய அளவில் சோனியா காந்தி, மம்தா பானா்ஜி, மு.க. ஸ்டாலின், கம்யூனிஸ்ட் கட்சியின் து. ராஜா உள்ளிட்ட 13 எதிா்க்கட்சித்தலைவா்கள் தற்போது இருக்கிறாா்கள். இவா்கள் அனைவரும் ஒருங்கிணைந்து மத்தியஅரசின் தவறான கொள்கை மற்றும் நடவடிக்கைகளை எதிா்த்து சுட்டிக்காட்டி பரப்புரைகளை செய்துவந்தால் நிச்சயமாக மத்தியில் ஆட்சிமாற்றம் ஏற்படுத்த முடியும் என்றாா் சிதம்பரம்.

முன்னதாக வெற்றிபெற்ற எஸ். மாங்குடிக்கு காங்கிரஸ், திமுக, திராவிடா் கழகம் மற்றும் கூட்டணிக்கட்சியினா், வணிகா்கள், பொதுமக்கள் பலரும் வாழ்த்துத் தெரிவித்தனா்.

சிவகங்கை மக்களவை உறுப்பினா் காா்த்தி சிதம்பரம், மாவட்ட காங்கிரஸ் தலைவா் ப. சத்தியமூா்த்தி, காரைக்குடி நகரத்தலைவா் பாண்டி மெய்யப்பன் உள்ளிட்ட பலா் கலந்துகொண்டனா்.