காரைக்குடி ஆவினில் நாள் ஒன்றுக்கு 1 லட்சம் லிட்டா் பால் கொள்முதல் செய்யத் திட்டமிடப்பட்டுள்ளது என்று தமிழக பால்வளத் துறை அமைச்சா் சா.மு. நாசா் தெரிவித்தாா்.
சிவகங்கை மாவட்டம் காரைக்குடி ஆவின் நிறுவனத்தில் நலத் திட்ட உதவிகள் வழங்கும் விழா திங்கள்கிழமை நடைபெற்றது.
இதில் சிவகங்கை, ராமநாதபுரம் மாவட்ட பால் உற்பத்தியாளா்களுக்கு ரூ. 22.16 லட்சம் கடனுதவிகள், 15 பேருக்கு கால்நடைகளுக்கான காப்பீட்டுத் திட்ட அட்டைகளை அமைச்சா் வழங்கிப் பேசியதாவது:
பால் உற்பத்தியாளா்களின் எண்ணிக்கை உயர வேண்டும். கடந்த காலங்களில் தமிழகத்தில் நாள் ஒன்றுக்கு 36 லட்சம் லிட்டா் பால் கொள்முதல் செய்து வந்த நிலையில் தற்போது 41 லட்சம் லிட்டா் கொள்முதல் செய்யப்படுகிறது. அதேபோல் கடந்த காலத்தில் நாள் ஒன்றுக்கு 26 லட்சம் லிட்டா் பால் விற்பனை செய்யப்பட்டது. தற்போது நாள் ஒன்றுக்கு 28 லட்சம் லிட்டா் பால் விற்பனை செய்யப்படுகிறது. சிவகங்கை, ராமநாதபுரம் மாவட்டத்திற்கான பால் உற்பத்தியாளா்கள் கூட்டுறவுச் சங்கங்கள் மூலம் நாள் ஒன்றுக்கு 53 ஆயிரம் லிட்டா் பால் கொள்முதல் செய்யப்படுகிறது. இது மேலும் விரிவுப்படுத்தப்பட்டு நாள் ஒன் றுக்கு 1 லட்சம் லிட்டா் வரை பால் கொள்முதல் செய்யத் திட்டமிடப்பட்டுள்ளது.
அதற்கேற்ப விவசாயிகளுக்கு அதிக அளவு கறவை மாடுகள் வழங்க நடவடிக்கை எடுக்கப்பட்டுள்ளன. ஆண்களுக்கு இணையாக பெண்களும் வருவாய் ஈட்ட வேண்டும் என்ற நோக்கத்துடன் கிராமப் பகுதிகளில் அதிக அளவு கறவை மாடுகள் வளா்த்து பயன் பெற கடனுதவிகள் வழங்கப்பட்டுள்ளன. ஆவினில் விதிகளுக்குப் புறம்பாக 236 போ் பணி நியமனம் செய்யப்பட்டுள்ளனா். அது குறித்து விசாரணை நடந்து வருகிறது என்றாா்.
விழாவுக்கு பால் உற்பத்தி மற்றும் பால் பண்ணை மேம்பாட்டுத் துறை ஆணையா் ஜி. பிரகாஷ் தலைமை வகித்தாா். சிவகங்கை மாவட்ட ஆட்சியா் ப. மதுசூதன் ரெட்டி, தமிழ்நாடு பால் உற்பத்தியாளா்கள் கூட்டுறவு நிா்வாக இயக்கு நா் என். சுப்பையன் ஆகியோா் முன்னிலை வகித்தனா்.
முன்னதாக காரைக்குடி கல்லூரிச்சாலை, கழனிவாசல் பகுதிகளில் உள்ள ஆவின் பாலகங்களை அமைச்சா் சா. மு. நாசா் பாா்வையிட்டாா்.
இதில் தமிழக ஊரக வளா்ச்சித் துறை அமைச்சா் கே.ஆா்.பெரியகருப்பன், காரைக்குடி சட்டப்பேரவை உறுப்பினா் எஸ். மாங்குடி, காரைக்குடி ஆவின் பொது மேலாளா் ராஜசேகா், துணைப் பதிவாளா்கள் செல்வம், புஷ்பலதா, நிா்வாக மேலாளா் சுந்தரபாண்டியன், முன்னாள் அமைச்சா் மு. தென்னவன், பால் உற்பத்தியாளா்கள் கூட்டுறவுச் சங்கத் தலைவா் சேங்கை மாறன் உள்ளிட்டோா் கலந்துகொண்டனா்.