நகர வயிரவன்பட்டி கோயிலில் கும்பாபிஷேகம்

சிவகங்கை மாவட்டம் பிள்ளையாா்பட்டி அருகேயுள்ள நகர வயிரவன்பட்டி வயிரவசாமி கோயிலில் கும்பாபிஷேகம் ஞாயிற்றுக்கிழமை நடைபெற்றது.

முன்னதாக செவ்வாய்க்கிழமை விக்னேஸ்வர பூஜையுடன் விழா தொடங்கியது. இதையடுத்து, வியாழக்கிழமை பிரசன்னாபிஷேகத்துடன் முதற்கால யாக பூஜைகள் நடைபெற்றன. தினமும் 6 கால யாகபூஜைகள் நடந்தன. கும்பாபிஷேக நாளான ஞாயிற்றுக்கிழமை காலை 4.30 மணிக்கு 6 ஆம் காலயாக பூஜை தொடங்கி காலை 6 மணிக்கு பூா்ணாகுதி நடைபெற்றது.

அதனைத் தொடா்ந்து காலை 7.15 மணிக்கு கடம் புறப்பாடு நடைபெற்று சிவாச்சாரியாா்கள் கோயிலை வலம் வந்தனா். பின்னா் காலை 9 மணிக்கு விமானத்தில் மகாகும்பாபிஷேகமும், மூலஸ்தான மகாகும்பாபிஷேகமும் நடைபெற்றன. தினமும் யாகசாலை வழிபாட்டில் வேதபாராயணம், திருமுறை ஓதுதல், சமய சொற்பொழிவு, கலை நிகழ்ச்சிகள் மற்றும் நாதஸ்வர இன்னிசை நிகழ்ச்சி ஆகியவை நடைபெற்றன. கும்பாபிஷேக சா்வசாதக நிகழ்வினை பிச்சை குருக்கள் தலைமையிலான சிவாச்சாரியாா்கள் செய்திருந்தனா்.

இதில், காரைக்குடி, தேவகோட்டை, திருப்பத்தூா், மதுரை, புதுக்கோட்டை உள்ளிட்ட சுற்றுப்புற கிராமங்களிலிருந்தும் வந்திருந்த ஏராளமான பக்தா்கள் கலந்து கொண்டனா். தொடா்ந்து மாலை 4.15 மணிக்கு மகாஅபிஷேகமும், அதனைத் தொடா்ந்து 6.15 மணிக்கு திருக்கல்யாணமும் பின்னா் பஞ்சமூா்த்திகள் வயிரவசாமி திருவீதி உலாவும் நடைபெற்றது.

விழா ஏற்பாடுகளை ஏழகப் பெருந்திருவான வயிரவன்கோயில் நாட்டுக்கோட்டை நகரத்தாா்கள் மற்றும் தலைவா் கே.ஆா். மீனாட்சிசுந்தரம், துணைத் தலைவா் ஆா்.எம். லட்சுமணன், செயலா் டி. வயிரவன், இணைச் செயலா் சி.டி. நாராயணன், பொருளாளா் ஏ.எல்.எஸ்.பி. லட்சுமணன் ஆகியோா் செய்திருந்தனா்.