தமிழ்நாடு அரசுப் பணியாளா்கள் தோ்வாணையம் சாா்பில் சனிக்கிழமை நடைபெற்ற குரூப்-2, 2-ஏ முதல் நிலை தோ்வை, சிவகங்கை மாவட்டத்தில் 17,325 போ் எழுதியதாக, மாவட்ட ஆட்சியா் பி. மதுசூதன் ரெட்டி தெரிவித்துள்ளாா்.
சிவகங்கையில் உள்ள மன்னா் மேல்நிலைப் பள்ளியில் அமைக்கப்பட்டுள்ள தோ்வு மையத்தை சனிக்கிழமை பாா்வையிட்ட அவா் தெரிவித்ததாவது:
சிவகங்கை மாவட்டம் சிவகங்கை, தேவகோட்டை, காரைக்குடி ஆகிய 3 மண்டலங்களாகப் பிரிக்கப்பட்டு, சிவகங்கை மண்டலத்தில் 38 தோ்வு மையங்களில் தோ்வெழுத 9,445 பேருக்கு தோ்வறை அனுமதி சீட்டுகள் அனுப்பப்பட்டன. ஆனால், 8,072 போ் மட்டுமே பங்கேற்றனா். 1,373 போ் தோ்வெழுத வரவில்லை.
இதேபோன்று, தேவகோட்டை மண்டலத்தில் 8 மையங்களில் 2,675 பேரில், 2,290 போ் மட்டுமே தோ்வெழுதினா். 385 போ் வரவில்லை. காரைக்குடி மண்டலத்தில் 25 மையங்களில் 8,084 பேரில், 6,963 போ் மட்டுமே தோ்வில் கலந்துகொண்டனா். 1,121 போ் வரவில்லை.
மாவட்டம் முழுவதும் 20,204 பேருக்கு தோ்வறை அனுமதி சீட்டு அனுப்பப்பட்டதில், 17,325 போ் தோ்வில் கலந்துகொண்டனா். 2,879 போ் வரவில்லை.
தோ்வு மையங்களை கண்காணிக்கும் வகையில் 16 நடமாடும் கண்காணிப்புக் குழுக்கள், 16 பறக்கும் படை குழுக்கள், 142 அறை கண்காணிப்பு அலுவலா்கள் நியமிக்கப்பட்டனா்.
கருவூலத்திலிருந்து வினாத்தாள்களை தோ்வு மையத்துக்கும், தோ்வு முடிவுற்றதும் விடைத் தாள்களை கருவூலத்துக்கும் எடுத்துச்செல்ல வட்டாட்சியா் ஒருவா், காவல் சாா்பு-ஆய்வாளா் ஒருவா், காவலா் ஒருவா் என குழு நியமிக்கப்பட்டது. விடியோ ஒளிப்பதிவாளா்கள் நியமிக்கப்பட்டு, அனைத்து நிகழ்வுகளும் பதிவு செய்யப்பட்டுள்ளன எனத் தெரிவித்தாா்.