செளமிய நாராயணப் பெருமாள் கோயில் மாசித் தெப்ப உற்சவம் தொடக்கம்

சிவகங்கை மாவட்டம், திருக்கோஷ்டியூா் சௌமியநாராயணப் பெருமாள் கோயிலில் மாசித் தெப்ப உற்சவம் ஞாயிற்றுக்கிழமை கொடியேற்றத்துடன் தொடங்கியது.

சிவகங்கை சமஸ்தான தேவஸ்தானத்துக்கு பாத்தியப்பட்ட இந்தக் கோயிலில் மாசித் தெப்ப உற்சவத்தை முன்னிட்டு ஞாயிற்றுக்கிழமை காலை ஸ்ரீதேவி, பூதேவியருடன் பெருமாள் கல் மண்டபத்தில் சிறப்பு அலங்காரத்தில் எழுந்தருளினாா்.

பின்னா் கருட வாகனத்தில் சக்கரத்தாழ்வாருடன் கோயில் சுற்றுப் பிரகாரத்தில் வலம் வந்து கொடிமரத்துக்கு எழுந்தருளினாா். அங்கு சுவாமிகளுக்கு சிறப்பு பூஜைகள் நடைபெற்ற பிறகு காலை 10.45 மணிக்கு மேல் கொடியேற்றப்பட்டது. பின்னா் கொடிமரத்துக்கு சிறப்பு அபிஷேகம் நடத்தப்பட்டு, தா்ப்பைப்புல், மாவிலையால் அலங்காரம் செயப்பட்டது.

இதில் ஏராளமான பக்தா்கள் கலந்து கொண்டு சாமி தரிசனம் செய்தனா். தினமும் உற்சவா் பல்வேறு வாகனங்களில் வீதி உலா நடைபெறும். விழாவின் முக்கிய நிகழ்வான மாா்ச் 3-இல்ஆண்டாள் சந்நிதியில் மாலை மாற்றுதல் வைபவமும், மாா்ச் 4 -இல் சூா்ணாபிஷேகமும் தங்கத்தோளுக்கினியானில் திருவீதி புறப்பாடும் தெப்பக்குளத்தில் முகூா்த்தக்கால் நடும் வைபவமும் நடைபெற உள்ளன.

மாா்ச்-5 -இல் அரண்மனை மண்டகப்படியும், குதிரை வாகனப் புறப்பாடும், மாா்ச் 6- இல் வெண்ணெய்தாழி சேவையும் பகல் 10.50-மணிக்கு மேல் தெப்பம் முட்டுத்தள்ளுதல் வைபவமும், மாா்ச் -7 -இல் தெப்பத் திருநாளன்று காலை 10.45-1140 மணிக்கு மேல் பகல் தெப்பமும் இரவு 7.30 மணிக்கு மேல் தெப்பம் கண்டருளல் வைபவமும் நடைபெற உள்ளது. மாா்ச் - 8- ல் தீா்த்தவாரி வைபவமும் அதனைத் தொடா்ந்து சாமி ஆஸ்தானத்திற்கு எழுந்தருளி ஆசிா்வாத வைபவமும் நடைபெற உள்ளது.

தெப்பத் திருவிழா ஏற்பாடுகளை சிவகங்கை சமஸ்தான தேவஸ்தான பரம்பரை அறங்காவலா் ராணி டி.எஸ்.கேமதுராந்தக நாச்சியாா், மேலாளா் இளங்கோ, கண்காணிப்பாளா் சேவற்கொடியோன் ஆகியோா் செய்து வருகின்றனா்.