கொத்தங்குளம் ஊராட்சி உறுப்பினா் விஷம் குடித்து தற்கொலை

ஸ்ரீவில்லிபுத்தூா்: ஸ்ரீவில்லிபுத்தூா் அருகே உள்ள கொத்தங்குளம் ஊராட்சி உறுப்பினா் சனிக்கிழமை விஷம் குடித்து தற்கொலை செய்து கொண்டாா்.

கொத்தங்குளத்தைச் சோ்ந்தவா் ராமகிருஷ்ணன் (35). இவருக்கு மனைவியும், 2 குழந்தைகளும் உள்ளனா்.

இவா் கொத்தங்குளம் ஊராட்சியில் வாா்டு உறுப்பினராக இருந்து வந்தாா். இவருக்கு குடிப்பழக்கம் இருந்ததால் கணவன், மனைவியிடையே அடிக்கடி தகராறு ஏற்பட்டு வந்தது.

இந்நிலையில், கடந்த அக்.21 ஆம் தேதி ஏற்பட்ட தகராறில் வீட்டை விட்டு வெளியே சென்ற ராமகிருஷ்ணன், கொத்தன்குளம் மயானத்தில் விஷம் குடித்து மயங்கிக் கிடந்தாா். இதையடுத்து அவரை மீட்டு ஸ்ரீவில்லிபுத்தூா் அரசு மருத்துவமனையில் சிகிச்சைக்காக சோ்த்தனா். பின்னா் மேல் சிகிச்சைக்காக மதுரை அரசு மருத்துவமனையில் ராமகிருஷ்ணன் அனுமதிக்கப்பட்ட நிலையில் சனிக்கிழமை உயிரிழந்தாா்.

இதுகுறித்து வன்னியம்பட்டி காவல்நிலைய போலீஸாா் வழக்குப் பதிந்து விசாரிக்கின்றனா்.