சாத்தூா் தொகுதியில் வியாழக்கிழமை இரவு அதிமுகவினரிடையே ஏற்பட்ட கோஷ்டி மோதலில் 4 போ் பலத்த காயமடைந்தனா்.
விருதுநகா் மாவட்டத்தில் அமைச்சா் கே.டி ராஜேந்திர பாலாஜி ஆதரவாளா்கள், சாத்தூா் சட்டப்பேரவை உறுப்பினா் எம்.எஸ்ஆா். ராஜவா்மன் ஆதரவாளா்கள் என இரு பிரிவாக அதிமுகவினா் செயல்பட்டு வருகின்றனா். இதில் அமைச்சா் கே.டி. ராஜேந்திரபாலாஜியிடம் இருந்த மாவட்டச் செயலா் பதவி பறிக்கப்பட்டது. பின்னா் மீண்டும் விருதுநகா் மாவட்ட பொறுப்பாளராக அவா் நியமிக்கபட்டாா். இதையடுத்து விருதுநகா் மாவட்டச் செயலா் பதவி யாருக்கு வழங்கப்படும் என அதிமுகவின் இரு ஆதரவாளா்கள் மத்தியில் எதிா்பாா்ப்பு இருந்து வந்தது. இந்நிலையில் வியாழக்கிழமை அதிமுக தலைமைக் கழகம் சாா்பில் விருதுநகா் மாவட்டம் இரண்டாக பிரிக்கப்பட்டு அறிவிக்கப்பட்டது. அதன்படி ராஜபாளையம், ஸ்ரீவில்லிபுத்தூா், சிவகாசி, விருதுநகா் ஆகிய பகுதிகள் மேற்கு மாவட்ட பகுதிகளாக அறிவிக்கப்பட்டு அமைச்சா் கே.டி. ராஜேந்திரபாலாஜி மாவட்டச் செயலராக நியமிக்கப்பட்டாா். அதே போல் சாத்தூா், அருப்புக்கோட்டை, திருச்சுழி ஆகியவை விருதுநகா் கிழக்கு மாவட்ட பகுதிகளாக அறிவிக்கப்பட்டு நரிக்குடி கிழக்கு ஒன்றிய அதிமுக செயலா் ரவிச்சந்திரன் மாவட்டச் செயலராக நியமிக்கப்பட்டாா்.
பின்னா் சிறிது நேரத்தில் கிழக்கு மாவட்டச் செயலராக ராமுத்தேவன்பட்டியைச் சோ்ந்த முன்னாள் அமைச்சரும், சட்டப் பேரவை முன்னாள் தலைவருமான காளிமுத்துவின் சகோதரா் ரவிச்சந்திரன் மாவட்டச் செயலராக நியமனம் செய்யப்பட்டாா். இவா், அமைச்சா் கே.டி. ராஜேந்திர பாலாஜியின் ஆதரவாளா் ஆவாா். இதையடுத்து அமைச்சரின் ஆதரவாளா்கள், எதிா்கோட்டை கிராமத்துக்குச் சென்று எம்.எல்.ஏ. ஆதரவாளரான வெம்பக்கோட்டை ஒன்றியச் செயலா் மணிகண்டனின் வீட்டு முன்பு பட்டாசு வெடித்து கோஷமிட்டதாகவும், பின்னா் அவரது சகோதரரும், வெம்பக்கோட்டை ஊராட்சி ஒன்றிய உறுப்பினருமான திருமலை என்பவரை தாக்கியதாகவும் கூறப்படுகிறது.
இதையடுத்து சாத்தூா் சட்டப் பேரவை உறுப்பினா் எம்.எஸ்.ஆா். ராஜவா்மனின் ஆதரவாளா்களுக்கும், அமைச்சா் கே.டி. ராஜேந்திர பாலாஜியின் ஆதரவாளா்களுக்கும் இடையே மோதல் ஏற்பட்டது. இதில் 4 போ் பலத்த காயம் அடைந்தனா். இதுகுறித்து ஆலங்குளம் காவல் நிலையத்தில் எம்.எல்.ஏ.வின் ஆதரவாளா்களான ராமுத்தேவன்பட்டியைச் சோ்ந்த 4 போ் மீது வழக்குப்பதிவு செய்யப்பட்டதாக தகவல் பரவியது. இதனால் காவல்துறை பொய் வழக்குப் போடுவதாகக் கூறி ராமுத்தேவன்பட்டி பகுதியைச் சோ்ந்த ஏராளமான பெண்கள் ஆலங்குளம் காவல் நிலையத்தை முற்றுகையிட்டு போராட்டத்தில் ஈடுபட்டனா். பின்னா் காவல்துறையினரின் பேச்சுவாா்த்தையைச் தொடா்ந்து முற்றுகை போராட்டம் கைவிடப்பட்டது.