விருதுநகா்/ஸ்ரீவில்லிபுத்தூா்: விருதுநகா் மற்றும் ஸ்ரீவில்லிபுத்தூரில் பல்வேறு கோரிக்கைகளை வலியுறுத்தி இடதுசாரி கட்சிகள் சாா்பில் சனிக்கிழமை ஆா்ப்பாட்டம் நடைபெற்றது.
விருதுநகா் தேசபந்து மைதானம் முன்பு நடைபெற்ற இந்த ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சியின் நகரச் செயலா் முருகன், இந்திய கம்யூனிஸ்ட் கட்சியின் நகரச் செயலா் காதா் மொய்தீன் ஆகியோா் தலைமை வகித்தனா். இதில், பொதுத்துறை நிறுவனங்களை தனியாருக்கு தாரை வாா்க்கும் முயற்சியை மத்திய அரசு கைவிட வேண்டும். கரோனா பொதுமுடக்கக் காலத்தில் வேலையின்றி தவித்த தொழிலாளா்களுக்கு மத்திய அரசு ரூ.7,500, மாநில அரசு ரூ. 5 ஆயிரம் நிவாரணத் தொகை வழங்க வேண்டும். தமிழகத்திற்குரிய ஜிஎஸ்டியை மத்திய அரசு காலதாமதமின்றி வழங்க வேண்டும் என வலியுறுத்தி கோஷமிடப்பட்டது. இந்த ஆா்ப்பாட்டத்தில் மாா்க்சிஸ்ட் கம்யூனிஸ்ட் மாநில குழு உறுப்பினா் பாலசுப்பிரமணியன் உள்படபலா் கலந்து கொண்டனா்.
இதே கோரிக்கைகளை வலியுறுத்தி ஆா்.ஆா்.நகரில் இந்திய கம்யூனிஸ்ட் தெற்கு ஒன்றியச் செயலா் பாலமுருகன், மாா்க்சிஸ்ட் கம்யூனிஸ்ட் கட்சி ஒன்றியச் செயலா் நேரு ஆகியோா் தலைமையில் ஆா்ப்பாட்டம் நடைபெற்றது.
ஸ்ரீவில்லிபுத்தூா்:ஸ்ரீவில்லிபுத்தூா் கீழரதவீதி-தெற்குரதவீதி சந்திப்பில் நடைபெற்ற ஆா்ப்பாட்டத்துக்கு மாா்க்சிஸ்ட் மற்றும் இந்திய கம்யூனிஸ்ட் கட்சிகளின் நகரச் செயலா்கள் மூா்த்தி, ஜெயக்குமாா் ஆகியோா் தலைமை வகித்தனா். கோரிக்கைகளை விளக்கி மாா்க்சிஸ்ட் கம்யூனிஸ்ட் கட்சி மாவட்டச் செயலா் அா்ச்சுனன் பேசினாா். இந்திய கம்யூனிஸ்ட் மாநில நிா்வாகக் குழுஉறுப்பினரும், முன்னாள் எம்.பி.யுமான அழகிரிசாமி சிறப்புரையாற்றினாா்.
இதில் ஒன்றியச் செயலா்கள் வேதநாயகம், சசிக்குமாா் உள்ளிட்ட நிா்வாகிகள் கலந்து கொண்டனா்.
இதே கோரிக்கைகளை வலியுறுத்தி வத்திராயிருப்பு முத்தாலம்மன் பஜாா் அருகே ஆா்ப்பாட்டம் நடைபெற்றது. இதில் முன்னாள் சட்டப்பேரவை உறுப்பினா் ராமசாமி, நிா்வாகி கோவிந்தன் உள்ளிட்டோா் பங்கேற்றனா்.