சிவகாசி காளீஸ்வரி கல்லூரி மாணவா்கள் 12 பேருக்கு ரிசா்வ் வங்கியில் வேலை கிடைத்ததையடுத்து, அதற்கான பணி ஆணைக்கான கடிதம் வெள்ளிக்கிழமை அவா்களிடம் வழங்கப்பட்டது.
இக்கல்லூரியில் வங்கி தோ்வுக்கான பயிற்சி வகுப்பு இலவசமாக மாணவ, மாணவிகளுக்கு வழங்கப்பட்டு வருகிறது. இதையடுத்து, பயிற்சி வகுப்பில் பயிற்சி பெற்று இதற்கான தோ்வு எழுதி தோ்ச்சி பெற்ற மாணவா்கள் 12 பேரை, ரிசா்வ் வங்கி இணையதளம் மூலம் நோ்காணல் நடத்தி வேலைக்கு தோ்வு செய்தது. தொடந்து கல்லூரி தாளாளா் ஏ.பி. செல்வராஜன், ரிசா்வ் வங்கியில் வேலைவாய்ப்பு பெற்ற மாணவ, மாணவிகளுக்கு பணி ஆணைக்கான கடிதத்தை வழங்கினாா்.
நிகழ்ச்சியில் முதல்வா் எம். கிருஷ்ணமூா்த்தி உள்ளிட்டோா் கலந்து கொண்டனா். இதற்கான ஏற்பாட்டினை ஒருங்கிணைப்பாளா் கண்ணன் செய்திருந்தாா்.