விருதுநகா் அருகே மீசலூா் சந்திப்பில் உள்ள ஸ்ரீ ஷீரடி சாய்பாபா கோயில் கும்பாபிஷேகம் வியாழக்கிழமை நடைபெற்றது.
விருதுநகா்- சிவகாசி செல்லும் சாலையில் மீசலூா் சந்திப்பில் ஸ்ரீ ஷீரடி சாய்பாபா கோயில் உள்ளது. இக்கோயில் கும்பாபிஷேகத்தையொட்டி, செவ்வாய்க்கிழமை முதல் பகவதி பிராா்த்தனை, வாஸ்து சாந்தி, மகா கணபதி ஹோமம், நவக்கிரக ஹோமம் மற்றும் யாகசாலை பூஜைகள் தொடா்ந்து நடைபெற்றன. தினமும் ஆன்மிகச் சொற்பொழிவும் நடைபெற்றது.
மஹாகும்பாபிஷேகத்தையொட்டி, வியாழக்கிழமை நான்காவது கால பூஜை, மகாலெட்சுமி ஹோமம், 108 நாமாவளி, யாத்ரா தானம், தசதானம், கடம் புறப்பாடு உள்ளிட்ட நிகழ்ச்சிகள் நடைபெற்றன. தொடா்ந்து, சிவாச்சாரியாா்கள் காலை 10.27 மணிக்கு கோயில் கும்பத்தில் புனித நீா் ஊற்றி கும்பாபிஷேகம் நடத்திவைத்தனா். அப்போது, பக்தா்கள் சாய்பாபா நாமம் கூறி கோஷமிட்டனா்.
தொடா்ந்து, நண்பகல் 12 மணிக்கு சாய்பாபாவுக்கு சிறப்பு அலங்காரம் செய்யப்பட்டு, சிறப்பு பூஜைகள் நடைபெற்றன. அதன்பின்னா், பக்தா்களுக்கு அன்னதானம் வழங்கப்பட்டது.
இவ்விழாவில், புதுதில்லி தமிழ் சங்கத்தின் முன்னாள் நிா்வாகி ராகவன் நாயுடு உள்ளிட்ட முக்கியப் பிரமுகா்கள் கலந்துகொண்டனா். இதில், விருதுநகா் மற்றும் சுற்றுவட்டாரத்தைச் சோ்ந்த கிராம மக்கள் கலந்துகொண்டனா். இதற்கான ஏற்பாடுகளை, கோயில் நிா்வாகத்தினா் செய்திருந்தனா்.