விருதுநகா் மாவட்டம் ராஜபாளையம் அருகே புதிய சாலை, தெரு விளக்கு மற்றும் அடிப்படை வசதிகள் செய்து தரக்கோரி இந்திய விவசாய தொழிலாளா் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.
ராஜபாளையம் அருகே சத்திரப்பட்டியை அடுத்துள்ள திருக்கோதையாபுரம் விலக்கு அருகே நடைபெற்ற ஆா்ப்பாட்டத்தில், அச்சங்கத்தை சோ்ந்த 30-க்கும் மேற்பட்டோா் கலந்து கொண்டனா். திருக்கோதையாபுரத்தில் இருந்து 3 கிலோ மீட்டா் தூரத்தில் உள்ள ஆப்பனூா் கிராமத்திற்குச் செல்லும் வழியில் புதிய தாா் சாலை அமைக்க வேண்டும். வழி நெடுகிலும் தெரு விளக்கு வசதி செய்து தர வேண்டும். திருக் கோதையாபுரம் விலக்கில் புதிய பேருந்து நிறுத்தம் அமைக்க வேண்டும். ஆப்பனூா் கிராமத்தில் வசிக்கும் பெண்களின் வசதிக்காக புதிய சுகாதார வளாகம் அமைத்து தர வேண்டும் என்பன உள்ளிட்ட கோரிக்கைகளை நிறைவேற்ற வலியுறுத்தி, ஆா்ப்பாட்டத்தில் ஈடுபட்டவா்கள் முழக்கங்களை எழுப்பினா்.