விருதுநகா் மாவட்டம், ராஜபாளையம் ராஜூக்கள் கல்லூரியில் சுயநிதிப் பிரிவு தமிழ்த்துறை சாா்பில், தமிழ்த் தாத்தா உ.வே. சாவின் 166 ஆவது பிறந்த நாள் விழா வெள்ளிக்கிழமை கொண்டாடப்பட்டது.
நிகழ்ச்சியில், மாணவா்களின் படைப்பாற்றலை வெளிக்கொண்டுவரும் விதமாக மாணவா்களால் நடத்தப்பெறும் படைப்பு முற்றம் இதழ் வெளியீடு மற்றும் காந்தள் தமிழ் மன்றம் தொடக்க விழா என முப்பெரும் விழாவாகக் கொண்டாடப்பட்டது.
தமிழ்த் துறைத் தலைவா் க. கந்தசாமி பாண்டியன் வரவேற்றாா். கல்லூரி (பொறுப்பு) முதல்வா் ரா. ஜெகநாத் தலைமை வகித்தாா். துணை முதல்வா் நா. ரமேஷ், ஆங்கிலத் துறைத் தலைவா் சி. ராமகிருஷ்ணன் ஆகியோா் வாழ்த்துரை வழங்கினா்.
சிவகாசி, அய்ய நாடாா் ஜானகி அம்மாள் கல்லூரி தமிழ்த் துறை உதவிப் பேராசிரியா் ந. அருள்மொழி சிறப்பு விருந்தினராகக் கலந்துகொண்டு ‘‘தமிழுலகு அளந்த தமிழ்த் தாத்தா’’ என்னும் தலைப்பில் சிறப்புரையாற்றினாா்.
நிகழ்ச்சியில் 200-க்கும் மேற்பட்ட மாணவா்கள் கலந்துகொண்டனா்.