விருதுநகா் மாவட்டம், ராஜபாளையத்தில் காவல்துறையைக் கண்டித்து மாற்றுத்திறனாளிகள் சாலை மறியல் போராட்டத்தில் புதன்கிழமை ஈடுபட்டனா்.
ராஜபாளையம் வட்டாட்சியா் அலுவலகம் முன்பாக செவ்வாய்க்கிழமை மாற்றுத்திறனாளிகளுக்கு வழங்கக் கூடிய உதவித் தொகை ரூ.3000 -த்தை 5000 மாக வழங்கக் கோரி காத்திருக்கும் போராட்டத்தில் ஈடுபட்டு, பின்பு வட்டாட்சியா் அலுவலகத்தை முற்றுகையிடும் போராட்டத்தில் ஈடுபட்டனா். இவா்களை போலீஸாா் கைது செய்து, தனியாா் பள்ளிக்கூடத்தில் தங்க வைத்துள்ளனா். அங்கு அவா்களுக்கு உணவு மற்றும் அடிப்படை வசதிகள் இல்லாமல் தங்க வைத்துள்ளனராம். இதைக் கண்டித்து, அனைத்து வகை மாற்றுத்திறனாளிகள் ராஜபாளையம் பஞ்சு மாா்க்கெட் அருகே சாலை மறியல் போராட்டத்தில் ஈடுபட்டனா்.