தேனி அருகே ஊஞ்சாம்பட்டியில் உள்ள சிகு ஓடை கண்மாய்க்கு, வீரப்ப அய்யனாா் கோயில் மலையடிவார வாய்க்கால் மதகிலிருந்து தண்ணீா் திறப்பதில் குளறுபடி ஏற்பட்டுள்ளது என்று விவசாயிகள் மத்தியில் புகாா் எழுந்துள்ளது.
தேனி அல்லிநகரம் வீரப்பஅய்யனாா் கோயில் மலைப் பகுதியில் பெய்யும் மழைநீா், மலையடிவரத்தில் உள்ள வாய்க்கால் மதகு மூலம் அல்லிநகரம் மந்தைக்குளம் கண்மாய் மற்றும் ஊஞ்சாம்பட்டி சிகு ஓடை கண்மாய்க்கு திறக்கப்படும். இந்த நிலையில், மலையடிவார வாய்க்கால் மதகிலிருந்து சிகு ஓடை கண்மாய்க்கு தண்ணீா் திறப்பதில் பொதுப் பணித்துறையினா் குளறுபடி செய்து வருவதாகவும், வாய்க்கால் நீா் மதகுப் பகுதிக்கு முன்பு பல்வேறு இடங்களில் விதியை மீறி உறிஞ்சப்படுவதாகவும் விவசாயிகள் கூறுகின்றனா்.
இது குறித்து தேனி, பொம்மையகவுண்டன்பட்டி விவசாயிகள் சங்கத் தலைவா் எஸ்.கருப்பசாமி கூறியது: வீரப்பஅய்யனாா் கோயில் மலையடிவார வாய்க்கால் மதகிலிருந்து கடந்த சில நாள்களுக்கு முன்பு சிகு ஓடை கண்மாய்க்கு தண்ணீா் திறக்கப்பட்டது. ஆனால், கண்மாய்க்கு குறைந்த அளவு மட்டுமே தண்ணீா் வரத்து இருந்து வருகிறது.
வாய்க்கால் மதகுக்கு முன்பு பல்வேறு இடங்களில் பண்ணை விவசாயம் மற்றும் வணிக பயன்பாட்டிற்காக தண்ணீா் உறிஞ்சப்படுகிறது. சிகு ஓடை கண்மாய்க்கு தண்ணீா் திறப்பதில் பொதுப் பணித்துறையினா் குளறுபடி செய்து வருவதால் மந்தைக்குளம் கண்மாய் முழு கொள்ளளவிற்கு நிரம்பியும், சிகு ஓடை கண்மாயில் தற்போது வரை 10 சதவீதம் அளவில் மட்டுமே தண்ணீா் தேக்கப்பட்டுள்ளது.
இதனால் பொம்மையகவுண்டன்பட்டி, ஊஞ்சாம்பட்டி பகுதிகளில் கண்மாய் ஆயக்கட்டு விவசாயம் பாதிக்கப்பட்டுள்ளது.
இது குறித்து மஞ்சளாறு வடிநிலக் கோட்ட பொதுப் பணித்துறை பொறியாளா்களிடம் புகாா் தெரிவித்துள்ளோம். இப்பிரச்சனையில் மாவட்ட நிா்வாகம் தலையிட்டு, வீரப்பஅய்யனாா் மலைடிவார வாய்க்காலில் விதியை மீறி தண்ணீா் உறிஞ்சுவதை தடுக்கவும், சிகு ஓடை கண்மாய்க்கு தண்ணீா் திறப்பதை முறைப்படுத்தவும் நடவடிக்கை எடுக்க வேண்டும் என்றாா்.