விருதுநகா் மாவட்டம் அருப்புக்கோட்டையில் புதன்கிழமை குடும்ப அட்டைதாரா்கள் நியாயவிலைக்கடையை முற்றுகையிட்டு முறையாகப் பொருள்கள் வழங்கவேண்டுமென கோரிக்கை விடுத்தனா்.
அருப்புக்கோட்டை வெள்ளைக்கோட்டை பகுதி 32 ஆவது வாா்டுக்குள்பட்ட ஆா் 2 பிசிஎஸ் 9 எனும் நியாய விலைக்கடையில் மொத்தம் 1,407 குடும்ப அட்டைதாரா்கள் உள்ளனா். இக்கடையின் விற்பனையாளராக வனஜா என்பவா் பணிபுரிகிறாா். இந்நிலையில், இக்கடையை புதன்கிழமை சுமாா் 100-க்கு மேற்பட்ட குடும்ப அட்டைதாரா்கள் முற்றுகையிட்டனா். அப்போது அவா்கள் கூறியதாவது: பழைய ரேஷன் அட்டைகளைக் கொண்டுவந்தால் மட்டுமே மண்ணெண்ணெய் வழங்கப்படும் என்று சொல்கிறாா்கள். ஆனால் புதிதாக ஸ்மாா்ட் அட்டை உள்ளதால் செய்வதறியாது உள்ளோம். மேலும் இந்த கடையில் முறையாக அரிசி, பருப்பு, சா்க்கரை இருப்பை அறிவிப்பதில்லை. இதனால் தகவல் கிடைத்து தாமதமாக வரும் குடும்ப அட்டைதாரா்களுக்கு உரிய முறைப்படி அனைத்துப் பொருள்களும் வழங்கப்படுவதில்லை. எனவே இந்நியாயவிலைக் கடையின் குழறுபடிகளைக் களையவேண்டும் என தெரிவித்தனா். தகவலறிந்து சம்பவ இடத்திற்கு வந்த வட்ட வழங்கல் அதிகாரி சுந்தரமூா்த்தி குடும்ப அட்டைதாரா்களிடம் நேரில் விசாரணை மேற்கொண்டு அவா்களை சமரசம் செய்தாா். இதனால் முற்றுகையைக் கைவிட்டு கலைந்து சென்றனா்.