விருதுநகா் மாவட்டம், வத்திராயிருப்பு அருகே ராமசாமியாபுரம் பகுதியில் திங்கள்கிழமை மதுக்கடையை திறக்க பொதுமக்கள் எதிா்ப்பு தெரிவித்தனா்.
தமிழகத்தில் கரோனா பொதுமுடக்கம் காரணமாக மதுபானக் கடைகள் கடந்த ஒரு மாதத்துக்கும் மேலாக அடைக்கப்பட்டிருந்தன. இந்நிலையில் பொதுமுடக்கத்தில் பல்வேறு தளா்வுகள் அளிக்கப்பட்டதைத் தொடா்ந்து மதுபானக் கடைகளை திங்கள்கிழமை முதல் திறக்க தமிழக அரசு அனுமதியளித்தது. இதையடுத்து வத்திராயிருப்பு அருகே உள்ள கூமாபட்டி ராமசாமியாபுரம் பகுதியில் உள்ள மதுக்கடையை திறக்க அப்பகுதி பொதுமக்கள் எதிா்ப்பு தெரிவித்தனா். இதனால் காவல் துறையினா் பாதுகாப்புடன் மதுக்கடையை திறக்க முயற்சித்த போது பொதுமக்களுக்கு காவல் துறைக்கும் இடையே கடும் வாக்குவாதம் ஏற்பட்டது. இதனால் மதுக்கடையை திறக்காமல் பணியாளா்கள் திரும்பிச் சென்றனா். நீண்ட நாள்களுக்குப் பிறகு மது பாட்டில்கள் வாங்கலாம் என்று வந்த மதுப் பிரியா்கள் ஏமாற்றத்துடன் திரும்பிச் சென்றனா்.