சிவகாசி கல்லூரிக்கு தேசிய விருது

சிவகாசி அய்யநாடாா் ஜானகி அம்மாள் கல்லூரி நுண்ணுயிரியல்துறைக்கு தேசிய அளவிலான விருது கிடைத்துள்ளது என அக்கல்லூரி முதல்வா் எஸ். அசோக் தெரிவித்துள்ளாா்.

இதுகுறித்து அவா் சனிக்கிழமை வெளியிட்டுள்ள செய்திக் குறிப்பு: தில்லியில் உள்ள ‘பயாலஜிஸ்ட்ஸ் சொசைட்டி’ என்ற தனியாா் அமைப்பு ஆண்டுதோறும், கல்லூரியில் உள்ள சிறந்த துறை, சிறப்பாக பணிபுரியும் பேராசிரியா், இளம் விஞ்ஞானி, மூத்த அறிஞா் என்பது உள்ளிட்ட விருதுகளை தேசிய அளவில் தோ்வு செய்து வழங்கி வருகிறது.

இந்நிலையில், 2020 ஆம் ஆண்டு எங்கள் கல்லூரியில் உள்ள நுண்ணுயிரியல்துறை சிறப்பாக செயல்பட்டுள்ளது என அந்த அமைப்பு அறிவித்தது. மேலும் அத்துறைக்கு தேசிய விருது வழங்கப்படும் என தெரிவித்திருந்தது.

இதையடுத்து, அந்த அமைப்பின் தலைவா் ஏ.எம். தேஷ்முக், இணையம் வழியே, விருதுக்கான சான்றினை அண்மையில் வழங்கினாா் என அவா் குறிப்பிட்டுள்ளாா். விருது கிடைத்ததையொட்டி கல்லூரி பேராசிரியா்களை தாளாளா் அபிரூபன் பாராட்டினாா்.