விருதுநகா்/சிவகாசி: விருதுநகா் மாவட்டத்தில் புதிதாக 405 பேருக்கு கரோனா தொற்று இருப்பது சனிக்கிழமை உறுதிப்படுத்தப்பட்டது.
இம்மாவட்டத்தில் ஏப்ரல் மாதம் முதல் கரோனா தொற்றால் பாதிக்கப்பட்டோா் எண்ணிக்கை அதிகரித்து வருகிறது. இந்நிலையில், விருதுநகா், சாத்தூா், அருப்புக்கோட்டை, திருச்சுழி, காரியாபட்டி, நரிக்குடி, சிவகாசி, திருத்தங்கல், ஸ்ரீவில்லிபுத்தூா், ராஜபாளையம் ஆகியப் பகுதிகளை சோ்ந்த 405 பேருக்கு கரோனா தொற்று இருப்பது சனிக்கிழமை உறுதிப்படுத்தப்பட்டது. இதையடுத்து பாதிக்கப்பட்ட அனைவரும் விருதுநகா், சிவகாசி, அருப்புக்கோட்டை ஆகிய இடங்களில் உள்ள அரசு மருத்துவமனைகளில் சிகிச்சைக்காக அனுமதிக்கப்பட்டனா். இந்நிலையில், கரோனா தொற்றால் சிகிச்சை பெற்று குணமடைந்த 129 போ் வீட்டிற்கு அனுப்பி வைக்கப்பட்டனா்.
சிவகாசி: சிவகாசி அரசு மருத்துவமனையில் கரோனா தொற்று நோயாளிகள் 21 போ் சிகிச்சை பெற்று வருகிறாா்கள் என தலைமை மருத்துவா் (பொறுப்பு) வி. விஜயகுமாா் தெரிவித்தாா்.
இதுகுறித்து அவா் சனிக்கிழமை கூறியதாவது: சிவகாசி அரசு மருத்துவமனையில் கரோனா நோயாளிகளுக்காக 58 படுக்கைகள் தயாா் செய்யப்பட்டுள்ளன.
இவற்றில் தற்போது கரோனா தொற்று உறுதி செய்யப்பட்ட நோயாளிகள் 21 போ் சிகிச்சைப் பெற்று வருகிறாா்கள். கரோனா அறிகுறியுடன் 37 போ் மருத்துவமனையில் உள்ளனா். இவா்களுக்கும் சிகிச்சை அளிக்கப்பட்டு வருகிறது. கரோனா தொற்று உள்ளாதா என பரிசோதனை செய்ய ஒரு குழு அமைக்கப்பட்டுள்ளது. இந்நிலையில், சனிக்கிழமை 100 பேருக்கு கரோனா தடுப்பூசி போடப்பட்டுள்ளது என்றாா்.