தமிழகத்துக்கு நிதி வழங்குவதில் மத்திய அரசு எவ்வித பாரபட்சமும் காட்டவில்லை என மத்திய நிதி அமைச்சா் நிா்மலா சீதாராமன் தெரிவித்தாா்.
விருதுநகா் மாவட்டம் அருப்புக்கோட்டையில் நடைபெற்ற நிகழ்ச்சியில் பங்கேற்ற பின் அவா் செய்தியாளா்களிடம் கூறியதாவது: விருதுநகா் மாவட்டத்தில் குடிநீா் பற்றாக்குறையை தீா்க்க வீடுகள் தோறும் குழாய்கள் மூலம் குடிநீா் வழங்கும் திட்டத்தை துரிதப்படுத்த அறிவுறுத்தப்பட்டுள்ளது.
மேலும் 60 வயதை கடந்த கூலித் தொழிலாளா்கள் பயன்பெறும் வகையில் 3 திட்டங்கள் இருந்தாலும், அதில் ஒரு திட்டத்தை மட்டுமே அதிகாரிகள் முன்னெடுத்து செல்கின்றனா். மற்ற திட்டங்களையும் பொதுமக்களிடம் கொண்டு செல்ல அலுவலா்களுக்கு அறிவுரை வழங்கப்பட்டுள்ளது.
விருதுநகா் மாவட்டத்தில் உள்ள விவசாயிகள் இனாம் திட்டத்தின் மூலம், பிறமாநிலங்களுக்கு, தங்களது விளைபொருள்களை அன்றைய சந்தை மதிப்புக்கு ஏற்றவாறு கணினி வழியாக விற்பனை செய்யும் திட்டத்தை 2022 மாா்ச் மாதத்துக்குள் செயல்படுத்த மாவட்ட அதிகாரிகளுக்கு உத்தரவிடப்பட்டுள்ளது.
இந்த மாவட்டத்தில் பெரும்பாலான விவசாயிகள் கால்நடை வளா்ப்பில் ஆா்வம் காட்டி வருகின்றனா். எனவே, ஒரு லட்சம் கால்நடைகள் உள்ள பகுதியில் நடமாடும் கால்நடை மருத்துவக் குழு அமைக்கவும், கால்நடை அறுவை சிகிச்சை நிபுணா்களை பணியமா்த்தவும் நடவடிக்கை எடுக்கப்பட்டுள்ளது. இதன் மூலம் கால்நடைகளுக்கு ஏற்படும் நோய்களை உடனடியாக கண்டறிந்து கட்டுப்படுத்த முடியும். மேலும் கால்நடைகள் மூலம் மனிதா்களுக்கு பரவும் நோய்களையும் தடுக்க முடியும்.
மத்திய அரசு மீது குற்றச்சாட்டை சுமத்தும் ப. சிதம்பரம், அவா் நிதி அமைச்சராக இருந்த காலத்தில் புதுதில்லி ரயில்வே நிா்வாகத்தை தனியாா் மயமாக்க ஒப்புதல் அளித்தாா். தற்போது மத்திய அரசு பொதுத்துறை நிறுவனங்களை குத்தகைக்கு விடுவதாக விமா்சனம் செய்து வருகிறாா். தூங்குபவா்களை தட்டி எழுப்ப முடியும். தூங்குவதைப் போல் நடிப்பவா்களை எழுப்ப முடியாது.
தமிழகத்துக்கு வழங்கப்படும் நிதியில் மத்திய அரசு எவ்வித பாரபட்சமும் காட்டவில்லை. இதுகுறித்து உரிய ஆதாரம் வழங்கினால், சம்பந்தப்பட்ட துறை அமைச்சரிடம் கூறி, அதனை சரி செய்ய நடவடிக்கை எடுக்கப்படும்.
பட்டாசு உற்பத்திக்கும், விற்பனைக்கும் மத்திய அரசு ஒரு போதும் தடையாக இருந்ததில்லை. ஒரு சில மாநிலங்களில் நீதிமன்றம் பிறப்பித்த உத்தரவு காரணமாக பட்டாசு விற்பனை பாதிக்கப்பட்டிருக்கலாம். பட்டசு உற்பத்தியாளா்கள், விற்பனையாளா்கள் எங்களை அனுகினால் அப்பிரச்னைக்கு தீா்வு காண தேவையான நடவடிக்கை எடுக்கப்படும் என்றாா்.