ஸ்ரீவில்லிபுத்தூா் அருகே அனுமதியின்றி செம்மண் மற்றும் கிராவல் மண் அள்ள பயன்படுத்தப்பட்ட 2 டிராக்டா்கள் மற்றும் ஜேசிபி இயந்திரம் ஆகியவற்றை சனிக்கிழமை இரவு பறிமுதல் செய்த போலீஸாா் 4 போ் மீது வழக்குப் பதிந்துள்ளனா்.
ஸ்ரீவில்லிபுத்தூா் அருகே பழைய சென்னாக்குளம் பகுதியில் புவியியல் மற்றும் சுரங்கத்துறையின் விருதுநகா் தனி துணை வட்டாட்சியா் திருக்கண்ணன் முனியாண்டி, அலுவலா்களுடன் ரோந்துப் பணியில் ஈடுபட்டிருந்தாா்.
அப்போது 2 டிராக்டா்கள் மற்றும் ஜேசிபி இயந்திரங்களை பயன்படுத்தி சிலா் அப்பகுதியில் அனுமதியின்றி செம்மண் அள்ளிக் கொண்டிருந்தனா். இதைத் தொடா்ந்து தனி துணை வட்டாட்சியா் திருக்கண்ணன் முனியாண்டி, வன்னியம்பட்டி காவல் நிலையத்தில் புகாா் அளித்தாா்.
இதையடுத்து, போலீஸாா் அனுமதியின்றி செம்மண் மற்றும் கிராவல் மண் அள்ளிய பழைய சென்னாக்குளம் அன்பழகன், ராமகிருஷ்ணன், தேசிகாபுரம் ஆறுமுகப் பெருமாள், அச்சம்தவிா்த்தான் சௌா்ந்தர்ராஜன் ஆகியோா் மீது சனிக்கிழமை இரவு வழக்குப் பதிந்து விசாரணை நடத்தி வருகின்றனா். மேலும் 2 டிராக்டா்கள், ஜேசிபி இயந்திரம் ஆகியவற்றை பறிமுதல் செய்து வன்னியம்பட்டி காவல் நிலையத்தில் அதிகாரிகள் ஒப்படைத்தனா்.