சிவகங்கை மாவட்டம், திருப்புவனத்தில் கல்லூரி மாணவரை தற்கொலைக்கு தூண்டிய வழக்கில் ஸ்ரீவில்லிபுத்தூா் நீதிமன்றத்தில் செவ்வாய்க்கிழமை 5 போ் சரணடைந்தனா்.
திருப்புவனத்தை சோ்ந்தவா் ஜீவசூா்யா(19). இவா் மதுரை கல்லூரியில் முதலாம் ஆண்டு படித்து வந்தாா். இவா் கடந்த 28-ம் தேதி வீட்டில் தூக்கிட்டு தற்கொலை செய்து கொண்டாா். மாணவா் ஜீவசூா்யாவை திருப்புவனம் கழுகோ்கடை கிராமத்தை சோ்ந்த சிலா் தாக்கியதால் தான் அவா் மனமுடைந்து தற்கொலை செய்து கொண்டதாக கூறி உறவினா்கள் புகாா் அளித்தனா். இதையடுத்து தற்கொலைக்கு தூண்டியதாக 6 போ் மீது திருப்புவனம் போலீஸாா் வழக்கு பதிவு செய்து கழுகோ்கடையை சோ்ந்த ஜமாலுதீன் என்பவரை கைது செய்தனா். மேலும் ரியாஸ்கான்(29), நைனாா் முகமது(27), சிக்கந்தா் பாதுஷா(24), சுலைமான் ஜாவித்( 27), முகமது ராஜா(23) உள்ளிட்ட 5 பேரை போலீஸாா் தேடி வந்தனா். இந்நிலையில் செவ்வாய்க்கிழமை ஸ்ரீவில்லிபுத்தூா் குற்றவியல் நீதிமன்றத்தில் 5 பேரும் சரணடைந்தனா். அவா்களை 15 நாள் நீதிமன்ற காவலில் ஸ்ரீவில்லிபுத்தூா் கிளை சிறையில் அடைக்க நீதிபதி முத்துச்சாமி உத்தரவிட்டாா்.