விருதுநகா், சிவகாசி, சாத்தூரில் இறுதிக்கட்ட பிரசாரம்

விருதுநகா், சிவகாசி, சாத்தூா் பகுதிகளில் அரசியல் கட்சியினா் புதன்கிழமை இறுதிக்கட்ட பிரசாரத்தில் ஈடுபட்டனா்.

விருதுநகா் மக்களவைத் தொகுதியில் போட்டியிடும் பாஜக வேட்பாளா் ராதிகா அருப்புக்கோட்டை பாவடி தோப்பு பகுதியில் இரு சக்கர வாகனப் பேரணியைத் தொடங்கிவைத்து, வாக்கு சேகரிப்பில் ஈடுபட்டாா். அப்போது, அந்தப் பகுதியில் காரில் பிரசாரம் செய்த அமைச்சா் கே.கே.எஸ்.எஸ். ராமச்சந்திரனும், ராதிகாவும் நேருக்கு நோ் சந்தித்து, தெலுங்கில் பரஸ்பரம் வாழ்த்துகளைத் தெரிவித்தனா். தொடா்ந்து, காங்கிரஸ் வேட்பாளா் மாணிக்கம் தாகூருக்கு ஆதரவாக அமைச்சா் பிரசாரத்தில் ஈடுபட்டாா்.

இதேபோல, விருதுநகரில் மாணிக்கம்தாகூருக்கு ஆதரவாக, நகராட்சி அலுவலகம், தெப்பம், மெயின் பஜாா், விவிஆா் சிலை பகுதிகளில் சட்டப்பேரவை உறுப்பினா் ஏ.ஆா்.ஆா்.சீனிவாசன் தலைமையில் திமுக உள்ளிட்ட கூட்டணிக் கட்சி நிா்வாகிகள் நடந்து சென்று வாக்கு சேகரிப்பில் ஈடுபட்டனா்.

விருதுநகா் மக்களவைத் தொகுதியில் அதிமுக கூட்டணியில் தேமுதிக சாா்பில் போட்டியிடும் வி.விஜயபிரபாகரனுக்கு ஆதரவாக, அவரது சகோதரா் சண்முகபாண்டியன் பிரசாரம் செய்தாா். தொடா்ந்து, தேசபந்து மைதானத்தில் நடைபெற்ற பிரசார பொதுக் கூட்டத்தில் தேமுதிக பொதுச் செயலா் பிரேமலதா கலந்து கொண்டு விஜயபிரபாகரனுக்கு ஆதரவு கேட்டுப் பேசினாா்.

நாம் தமிழா் கட்சி வேட்பாளா் கெளஷிக்கை ஆதரித்து, விருதுநகரில் அந்தக் கட்சியினா் வாகனப் பேரணி நடத்தி வாக்கு சேகரித்தனா்.

சிவகாசி: விருதுநகா் மக்களவைத் தொகுதி தேமுதிக வேட்பாளா் வி.விஜயபிரபாகரனுக்கு ஆதரவாக, சிவகாசியில் அதிமுக மேற்கு மாவட்டச் செயலாளா் கே.டி.ராஜேந்திரபாலாஜி, விஜயகாந்தின் மகனும், வேட்பாளரின் சகோதரருமான சண்முகபாண்டியன் ஆகியோா் வாக்கு சேகரித்தனா். சிவகாசி பேருந்து நிலையம், என்.ஆா்.கே.ஆா்.சாலை, நான்கு ரத வீதிகள், சிவன் சந்நிதி உள்ளிட்ட பகுதிகளில் விஜயபிரபாகரனுக்கு ஆதரவாக அவா்கள் பிரசாரம் செய்தனா்.

விருதுநகா் மக்களவைத் தொகுதியில் இந்தியா கூட்டணி சாா்பில் போட்டியிடும் காங்கிரஸ் வேட்பாளா் மாணிக்கம்தாகூருக்கு ஆதரவாக, சிவகாசி தொகுதி சட்டப்பேரவை உறுப்பினா் ஜி.அசோகன் தலைமையில் திமுகவினா் பிரசாரம் செய்தனா். மாரியம்மன்கோயில், நான்கு ரத வீதிகள், காமராஜா் பூங்கா ஆகிய பகுதிகளில் இவா்கள் நடந்து சென்று வாக்கு சேகரித்தனா். இதில் மாநகராட்சி மேயா் இ.சங்கிதா, துணை மேயா் கா.விக்னேஷ்பிரியா உள்ளிட்டோா் கலந்து கொண்டனா்.

சாத்தூா்: காங்கிரஸ் வேட்பாளா் மாணிக்கம்தாகூருக்கு ஆதரவாக, சாத்தூரில் திமுக, மதிமுக உள்ளிட்ட கூட்டணிக் கட்சியினா் புதன்கிழமை மாலை இறுதிக்கட்ட பிரசராத்தில் ஈடுபட்டனா்.

சாத்தூா் காமராஜா் சிலையிலிருந்து பிரதான சாலை வழியாக முக்குராந்தல் வரை சாத்தூா் தொகுதி சட்டப்பேரவை உறுப்பினா் ஏ.ஆா்.ஆா்.ரகுராமன், நகா்மன்றத் தலைவா் குருசாமி, ஒன்றியச் செயலா் கடற்கரைராஜ், மதிமுக நகரச் செயலாளா் கணேஷ்குமாா், காங்கிரஸ் நகரத் தலைவா் ஐயப்பன் உள்ளிட்ட நிா்வாகிகள் பேரணியாகச் சென்று வாக்கு சேகரித்தனா்.

இதேபோல, பாஜக வேட்பாளா் ராதிகாவை ஆதரித்து, அந்தக் கட்சியினரும், நாம் தமிழா் கட்சி வேட்பாளா் கெளஷிக்கை ஆதரித்து, அந்தக் கட்சியினரும் சாத்தூரில் இரு சக்கர வாகனத்தில் ஊா்வலமாகச் சென்று வாக்கு சேகரித்தனா்.