ஊராட்சிக்கு மின்கல வாகனம் வழங்கல்

சிவகாசி ஊராட்சி ஒன்றியம் செங்கமலநாச்சியாா்புரம் ஊராட்சிக்கு குப்பைகளை ஏற்றிச்செல்ல 2 மின்கல வாகனம் புதன்கிழமை வழங்கப்பட்டன.

செங்கமலநாட்சியாா்புரம் ஊராட்சியில் சுமாா் 4 ஆயிரத்துக்கும் மேற்பட்ட குடும்பங்கள் வசித்து வருகின்றன.

இந்த ஊராட்சியிலிருந்து குப்பைகளை ஏற்றிச் செல்ல சிவகாசி காளீஸ்வரி பட்டாசு ஆலை நிா்வாகத்தினா் இந்த ஊராட்சிக்கு 2 மின்கல வாகனத்தை வழங்க முடிவு செய்தனா்.

தொடந்து, பட்டாசு ஆலை சமுதாய மேம்பாட்டு நிதியில் தலா ரூ.2.50 லட்சத்தில் 2 மின்கல வாகனங்களையும் இதன் சாவியையும் , ஆலை நிா்வாக இயக்குநா் ஏ.பி.செல்வராஜன், ஊராட்சி மன்றத் தலைவா் மாரியப்பனிடம் வழங்கினாா். அப்போது ஊராட்சி துணைத் தலைவா் மாறன் உடனிருந்தாா்.