திருவாரூரில் நடைபெற்ற மருத்துவக் கண்காட்சியில் மாணவ, மாணவிகளுக்கான ஓவியப் போட்டி ஞாயிற்றுக்கிழமை நடைபெற்றது.
ஓவியப் போட்டியில் பெயர் பதிவு செய்வதற்காக, காலை 9 மணியிலிருந்தே மாணவ- மாணவிகள் தங்கள் பெற்றோருடன் கண்காட்சி வாசலில் காத்திருந்தனர். 400-க்கும் மேற்பட்ட மாணவ, மாணவிகள் ஓவியப் போட்டியில் பங்கேற்றனர். ஓவியப்போட்டியானது, 3 முதல் 5- ஆம் வகுப்பு வரை பயிலும் மாணவர்களுக்கு ஆரோக்கிய உணவு என்னும் தலைப்பிலும், 6 முதல் 8-ஆம் வகுப்பு வரை ஆரோக்கியமான சுற்றுச்சூழல் என்னும் தலைப்பிலும், 9 முதல் 12- ஆம் வகுப்பு வரை ஆரோக்கிய வாழ்வு என்னும் தலைப்பிலும் என 3 பிரிவுகளில் நடத்தப்பட்டன. போட்டிகள் தொடங்கிய பிறகும் ஏராளமானோர் வந்து கொண்டிருந்ததால், அவர்களும் போட்டிகளில் சேர்த்துக் கொள்ளப்பட்டு, அவர்களுக்கென தனியாக நேரம் ஒதுக்கப்பட்டது.
போட்டிகளில் வெற்றி பெற்றவர்கள் விவரம்:
3 முதல் 5-ஆம் வகுப்பு வரையிலான பிரிவில்...
மன்னார்குடி, ஸ்ரீ பாரதிதாசன் மெட்ரிகுலேஷன் மேல்நிலைப்பள்ளி 5-ஆம் வகுப்பு மாணவர் கே. கதிரவன் முதல் இடமும், திருவாரூர் சாய்ராம் மெட்ரிக். மேல்நிலைப்பள்ளி 5-ஆம் வகுப்பு மாணவி எஸ். துவாரகா இரண்டாமிடமும், திருவாரூர் சாய்ராம் மெட்ரிக். மேல்நிலைப்பள்ளி 5-ஆம் வகுப்பு மாணவி பி. அட்சயா பிரியா மூன்றாமிடமும் பெற்றனர்.
6 முதல் 8-ஆம் வகுப்பு வரையிலான பிரிவில்...
திருவாரூர் ஆர்.சி. பாத்திமா மேல்நிலைப்பள்ளி 8-ஆம் வகுப்பு மாணவர் பி. விஷ்ணுகிரண் முதலிடமும், திருத்துறைப்பூண்டி சாய்ராம் மெட்ரிக். மேல்நிலைப்பள்ளி 8-ஆம் வகுப்பு மாணவி ஆர். தேவதர்ஷினி இரண்டாமிடமும், திருவாரூர் தி மெரிட் மேல்நிலைப்பள்ளி 8-ஆம் வகுப்பு மாணவி ஏ. அன்னபூரணி மூன்றாமிடமும் பெற்றனர்.
9 முதல் 12-ஆம் வகுப்பு வரையிலான பிரிவில்...
மன்னார்குடி ஸ்ரீ பாரதிதாசன் மெட்ரிக். மேல்நிலைப்பள்ளி 10-ஆம் வகுப்பு மாணவர் வெ. சதீஷ், மன்னார்குடி ஸ்ரீ பாரதிதாசன் மெட்ரிக். மேல்நிலைப்பள்ளி 9-ஆம் வகுப்பு மாணவர் ஜே. ரோஹித் இரண்டாமிடமும், திருவாரூர் ஸ்ரீ ஜி.ஆர்.எம். பெண்கள் மேல்நிலைப்பள்ளி 9-ஆம் வகுப்பு மாணவி எஸ். மோகனா மூன்றாமிடமும் பெற்றனர்.
போட்டியில் பரிசு பெற்ற அனைவருக்கும் தினமணி மற்றும் தஞ்சை பி.ஐ.எம்.எஸ். அபாகஸ் நிறுவனம் சார்பில் சான்றிதழ்களும், பரிசுகளும் வழங்கப்பட்டன.