பொதுவிநியோகத் திட்ட குறைதீர் கூட்டம்

நன்னிலம் வட்டம், பில்லூர் கிராமத்தில் பொது விநியோகத் திட்ட குடிமைப் பொருள் குறைதீர்க்கும் கூட்டம் சனிக்கிழமை நடைபெற்றது. 
 திருவாரூர் சரக துணைப் பதிவாளர் எஸ். மதிவாணன் தலைமையில் நடைபெற்ற முகாமில் நன்னிலம் வட்ட வழங்கல் அலுவலர் ஏ. ஸ்டாலின் உள்ளிட்ட அலுவலர்கள் கலந்துகொண்டனர்.  இக்கூட்டத்தில் பில்லூர் பகுதியைச் சேர்ந்த பொதுமக்கள் கலந்துகொண்டு, பொதுவிநியோகத் திட்டங்களின் செயல்பாடுகள் குறித்தும், குடும்ப அட்டையில் பெயர் சேர்த்தல், நீக்கல், திருத்தம், மற்றும் கடை மாற்றம், முகவரி மாற்றம் போன்றவை குறித்த கோரிக்கை மனுக்களை அளித்தனர். மொத்தம் 62 கோரிக்கை மனுக்கள் பெறப்பட்டன. இதில் 34 மனுக்கள் மீது உடனடியாக தீர்வு காணப்பட்டது.