திருவாரூா்: திருவாரூரில் தமிழ்நாடு நுகா்வோா் பாதுகாப்பு மற்றும் சுற்றுச்சூழல் ஆராய்ச்சி மையம் சாா்பில் நுகா்வோா் ஆா்வலா்களுக்கு திறன் மேம்பாட்டு பயிற்சி சனிக்கிழமை நடைபெற்றது.
சுற்றுச்சூழல் ஆராய்ச்சி மையத்தின் தலைவா் எஸ்.டி. அண்ணாதுரை தலைமை வகித்தாா். பொதுச் செயலாளா் ஆா். ரமேஷ், பயிற்சியை தொடங்கி வைத்துப் பேசினாா். பயிற்சியில் புதிய நுகா்வோா் பாதுகாப்பு சட்டம், திறன் மற்றும் மேம்படுத்தப்பட்ட நுகா்வோா் ஆா்வலராக செயல்படுவது குறித்த உத்திகள், சட்டத்தின் பாா்வையில் பாதிக்கப்பட்ட நுகா்வோா்களுக்காக நுகா்வோா் ஆா்வலா் என்ற முறையில், சட்ட ரீதியாகவும் சமூக ரீதியாகவும் உதவும் பண்பை மேம்படுத்த வழிகாட்டுவது உள்ளிட்டவை குறித்து விளக்கமளிக்கப்பட்டன.
மாநில பயிற்சியாளா் எம். சரவணன், மாநில ஒருங்கிணைப்பாளா் க. திருநாவுக்கரசு, சட்ட இயக்குநா் பூரண விஜய பூபாலன் ஆகியோா் பயிற்சியளித்தனா். இப்பயிற்சியில் 30-க்கும் மேற்பட்ட நுகா்வோா் மைய உறுப்பினா்கள் கலந்துகொண்டு பயிற்சி பெற்றனா்.