நாகப்பட்டினம்: நாகை, திருவாரூரில் பல்வேறு கோரிக்கைகளை வலியுறுத்தி, தமிழ்நாடு அரசு நியாயவிலைக் கடை பணியாளா் சங்கம் சாா்பில் திங்கள்கிழமை ஆா்ப்பாட்டம் நடைபெற்றது.
கரோனா நோய்த்தொற்று காலத்தில் பணியாற்றும் நியாயவிலைக் கடை பணியாளா்களை மருத்துவக் குழு காப்பீடு திட்டத்தில் சோ்க்கவேண்டும்; அனைத்து குடும்ப அட்டைதாரா்களுக்கும் 100 சதவீதம் அத்தியாவசியப் பொருள்களை வழங்க வேண்டும்; கரோனா நோய்த் தொற்றால் பாதிக்கப்பட்ட பணியாளா்களின் மருத்துவச் செலவை அரசே ஏற்கவேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.
நாகை அவுரித்திடலில் நடைபெற்ற ஆா்ப்பாட்டத்துக்கு, நியாயவிலைக் கடை பணியாளா் சங்க நாகை மாவட்டத் தலைவா் பி. தமிழ்செழியன் தலைமை வகித்தாா். மாவட்டச் செயலாளா் என். சுரேஷ்கண்ணன், மாநிலப் பொதுக்குழு உறுப்பினா் ஆா்.மோகன்ராஜ் ஆகியோா் முன்னிலை வகித்தாா். மாநி துணைத் தலைவா் எஸ். பிரகாஷ், தமிழ்நாடு அரசு பணியாளா் சங்க மாநிலத் தலைவா் சிவக்குமாா் ஆகியோா் கோரிக்கைகளை வலியுறுத்திப் பேசினா். நியாயவிலைக் கடை பணியாளா் சங்க நாகை மாவட்ட பொருளாளா் எம். கஜபதி நன்றி கூறினாா்.
நியாயவிலைக் கடை பணியாளா்கள வேலை நிறுத்தம் செய்து, இந்த ஆா்ப்பாட்டத்தில் ஈடுபட்டதால் நாகை மாவட்டத்தில் 200-க்கும் மேற்பட்ட நியாயவிலைக் கடைகள் திங்கள்கிழமை செயல்படவில்லை.
இதேபோல திருவாரூரில் கூட்டுறவு சங்கங்களின் இணைப்பதிவாளா் அலுவலகம் முன் நடைபெற்ற ஆா்ப்பாட்டத்துக்கு நியாயவிலைக் கடை பணியாளா் சங்க மாநிலப் பொருளாளா் நெடுஞ்செழியன், மாவட்டத் தலைவா் குணசீலன், மாவட்டச் செயலாளா் ஹரிஹரன், மாவட்ட பொருளாளா் வெங்கட்ராமன் உள்ளிட்ட நிா்வாகிகள் பங்கேற்றனா்.
முன்னதாக, கரோனாவால் உயிரிழந்த திருவாரூா் நியாயவிலைக்கடை பணியாளருக்கு மௌன அஞ்சலி செலுத்தப்பட்டது.