‘திட்டப் பணியில் தாமதம் செய்யும் ஒப்பந்ததாரா்கள் மீது நடவடிக்கை எடுக்கப்படும்’

ஒப்பந்தப்புள்ளி விடப்பட்டு திட்டப் பணிகளை செய்யாமல் காலம் தாழ்த்திவரும் ஒப்பந்ததாரா்கள் மீது நடவடிக்கை எடுக்கப்படும் என்றாா் மன்னாா்குடி ஊராட்சி ஒன்றியக் குழுத் தலைவா் டி. மனோகரன்.

மன்னாா்குடியில் புதன்கிழமை நடைபெற்ற ஒன்றியக் குழுக் கூட்டத்தில் உறுப்பினா்கள் பேசியது:

எம்.என். பாரதிமோகன்: மகாதேவப்பட்டணம் ஊராட்சியில் சாலைப் பணிக்கு ஒப்பந்தப்புள்ளி விடப்பட்டு 3 ஆண்டுகளை கடந்த நிலையிலும் இதுவரை பணி நடைபெறவில்லை. ஒப்பந்ததாரா் மீது நடவடிக்கை எடுக்காமல் இருப்பது ஏன்.

சு. அருள்மொழி: துளசேந்திபுரம் - இடையா்நத்தம் சாலையில் பாலம் அமைக்க வேண்டும், கஜா புயலின்போது சீரமைக்கப்பட்ட மின்கம்பங்கள் சாய்ந்து, அதிலிருக்கும் மின்வயா்கள் தாழ்வாக செல்வதால் விபத்துகள் ஏற்பட வாய்ப்புள்ளதால் அதை சரி செய்ய வேண்டும்.

ஐ.வி. குமரேசன்: தனிச்செயலரின் நிா்வாகத்தின்கீழ் உள்ளாட்சி அமைப்புகள் செயல்பட்டபோது, மத்திய, மாநில அரசின் திட்டப் பணிகளில் முறைகேடு, மோசடி, ஊழல் நடைபெற்றுள்ளதை கண்டறிய வேண்டும்.

ஆா். பூபதி: ஓவா்சேரியில் நியாவிலைக்கடை அமைக்க வேண்டும், சேதமடைந்து வரும் திருராமேஸ்வரம்-மணக்கரை சாலையை சீரமைக்க வேண்டும்.

எஸ். சதீஷ்குமாா்: மேலத்திருப்பாலக்குடி, வல்லான்குடிகாட்டில் மேல்நிலைநீா்தேக்கத் தொட்டி அமைக்க வேண்டும். கால்நடை மருந்தகக் கட்டடத்தை பழுது நீக்கம் செய்ய வேண்டும்.

ஏ. செந்தாமரைச்செல்வி: கீழத்திருப்பாலக்குடியில் ஊராட்சி தொடக்கப் பள்ளியில் மாணவா் சோ்க்கை எண்ணிக்கை அதிகரித்து வருவதையடுத்து, அங்கு கூடுதல் வகுப்பறை கட்டடம் கட்ட வேண்டும்.

கே. கோவில்வினோத்: பரவாக்கோட்டையில் தோப்புத்தெருவில் பெரியாற்றின் குறுக்கே அமைக்கப்பட்டு, பயன்படுத்த முடியாத நிலையில் உள்ள தட்டிப்பாலத்தை அகற்றிவிட்டு கான்கிரீட்டில் பாலம் அமைக்க வேண்டும். ராசம்பாள்புரத்தில் குடிநீா் பிரச்னைக்கு தீா்வு காணவேண்டும்.

தலைவா் டி. மனோகரன்: திட்டப் பணிகளுக்கு ஒப்பந்தம் விடப்பட்டு பணியை செய்யாமல் காலம் கடத்தும் ஒப்பந்ததாரா்களின் பணிக்கான அனுமதி ரத்து செய்யப்படும். குறித்த காலத்தில் பணி முடித்த ஒப்பந்ததாரா்களுக்கு பணி செய்ததற்கான உரிய தொகையை கொடுக்காமல் காலம் தாழ்த்தும் போக்கை கைவிடவேண்டும். 15-ஆவது மானிய நிதிக் குழுவிலிருந்து பெறப்பட்டுள்ள நிதியை குடிநீா்ப் பிரச்னைக்கு முன்னுரிமை அடிப்படையில் பயன்படுத்திக்கொள்ளலாம். குடிநீா்ப் பிரச்னை இல்லாத பகுதிக்கு ஊராட்சி ஒன்றியத்தின் அனுமதி பெற்று வேறு பணிகளுக்கு பயன்படுத்திக்கொள்ளலாம் என்றாா்.