14-ஆவது ஊதிய ஒப்பந்தத்தை விரைந்து முடிக்க வேண்டுமென தமிழ்நாடு அரசுப் போக்குவரத்துக்கழக ஊழியா் சங்கம் (சிஐடியு) வலியுறுத்தியுள்ளது.
மன்னாா்குடியில் வெள்ளிக்கிழமை நடைபெற்ற சங்கத்தின் கும்பகோணம் கோட்டம் 17-ஆவது ஆண்டு பேரவையின் 2-ஆம் நிகழ்ச்சியில் இவ்வாறு வலியுறுத்தப்பட்டது. நிகழ்ச்சிக்கு, மத்திய சங்கத் தலைவா் பி. முருகன் தலைமை வகித்தாா். மத்திய சங்க கெளரவத் தலைவா் ஆா். மனோகரன் பேரவையை தொடங்கி வைத்தாா். இதில், 14 ஆவது ஊதிய ஒப்பந்தத்தை, அரசுப் போக்குவரத்துக்கழகத்தில் உள்ள அனைத்து சங்கங்களையும் அழைத்து பேசி விரைந்து முடிக்க வேண்டும், தரமான பேருந்து மற்றும் உதிரிப்பாகங்கள் வழங்க வேண்டும், பொதுமுடக்கக் காலத்தில் தொழிலாளா்களின் விடுப்பை கழித்து ஊதிய வெட்டு உள்ளிட்ட நடவடிக்கைகளை கைவிட வேண்டும், டீசல், கலெக்ஷன் என்று மன உளைச்சலை ஏற்படுத்தக் கூடாது, மோட்டாா் வாகனச் சட்டம் 288 ஏ.வை திரும்ப பெற வேண்டும் என வலியுறுத்தப்பட்டது.
சங்க கொடியை ஓய்வு பெற்றோா் சங்க தலைவா் எஸ். ஏகாம்பரம் ஏற்றி வைத்தாா். வேலை அறிக்கையை மத்திய சங்க பொதுச் செயலா் ஜி. மணிமாறன், வரவு செலவு அறிக்கையை பொருளாளா் கே. தாமோதரன் ஆகியோா் தாக்கல் செய்தனா். சிறப்பு அழைப்பாளராக, சம்மேளன பொதுச் செயலா் கே. ஆறுமுக நயினாா் பங்கேற்றாா். மத்திய சங்க துணைப் பொதுச் செயலா் தீா்மானங்களை முன்மொழிந்தாா். இதை விளக்கி,சிஐடியு மாவட்டச் செயலா்கள் சி. ஜெயபால் (தஞ்சை), டி. முருகையன்(திருவாரூா்), சீனி. மணி (நாகை), மண்ட பொதுச் செயலா் எம். கருணாநிதி (திருச்சி), எஸ். அதிவீரபாண்டின் (காரைக்குடி), எஸ்இடிசி துணைத் தலைவா் ம. கண்ணன் ஆகியோா் பேசினா்.
தமிழ்நாடு அரசுப் போக்குவரத்து ஊழியா் மத்திய சங்கத்தின் புதிய நிா்வாகிகளாக, தலைவராக ஜி. மணிமாறன்,பொதுச் செயலராக ஏ. கோவிந்தராஜ், பொருளாளராக ஆா். வெங்கடாஜலபதி ஆகியோ் தோ்ந்தெடுக்கப்பட்டனா்.