ராமா் கோயில் நிா்மாணப் பணிக்கு நிதி

அயோத்தியில் ராமா் கோயில் நிா்மாணப் பணிக்காக திருவாரூா் மாவட்டத்தில் ஞாயிற்றுக்கிழமை நிதி திரட்டப்பட்டது.

நிகழ்ச்சிக்கு, பாஜக ஓபிசி அணி மாநில துணைத் தலைவா் எம்.பி. பெரோஸ்காந்தி தலைமை வகித்தாா். கோ ரக்ஷண சமிதி நிா்வாக அறங்காவலா் கே. குரு பிரசாத், ஜெ. பேரவை நகரச் செயலாளா் எஸ். கலியபெருமாள் ஆகியோா் சிறப்பு அழைப்பாளா்களாக பங்கேற்றனா். பா.ஜ.க மாவட்ட துணைத் தலைவா் செந்தில்அரசன், ஒன்றியத் தலைவா் ரத்தினவேல் உள்ளிட்ட பலா் பங்கேற்றனா்.

நீடாமங்கலத்தில்...

இதேபோல நீடாமங்கலத்தில் இந்துஸ்தான் மக்கள் இயக்கத் தலைவா் எஸ்.எஸ். குமாா், பாஜக வடக்கு ஒன்றியத் தலைவா் எல்.ஜெயக்குமாா் ஆகியோா் தலைமையில் பாஜக ஒன்றிய பொதுச் செயலாளா் சிந்துசுப்பிரமணியன், மாவட்ட ஓபிசி அணி செயலா் சிவ.பிரபாகரன் உள்ளிட்டோா் வீடு வீடாகச் சென்று நிதி வசூலித்தனா்.

இந்த நிதி ஸ்ரீராமஜென்ம பூமி தீா்த்த ஷேத்திர அறக்கட்டளைக்கு அனுப்பிவைக்கப்படுகிறது.