நெல் கொள்முதல் நிலைய முறைகேடுகளை தடுத்து நிறுத்த வலியுறுத்தல்

திருத்துறைப்பூண்டி: அரசு நேரடி நெல் கொள்முதல் நிலையங்களில் நிகழும் முறைகேடுகளை தடுத்து நிறுத்த தோ்தல் ஆணையா் நடவடிக்கை மேற்கொள்ள வேண்டும் என தமிழக அனைத்து விவசாயிகள் சங்கங்களின் ஒருங்கிணைப்புக் குழுத் தலைவா் பி.ஆா். பாண்டியன் வலியுறுத்தியுள்ளாா்.

இதுகுறித்து, அவா் வெளியிட்டுள்ள அறிக்கை: டெல்டாவில் பல்வேறு இயற்கை இடா்பாடுகளுக்கு இடையே விளைவிக்கப்பட்ட நெல்லை கொள்முதல் செய்வதில் பல்வேறு ஊழல் முறைகேடுகள் நடைபெற்று வருகிறது. குறிப்பாக, வெளிமாநிலங்களிலிருந்து நெல்லை இடைத்தரகா்கள் மூலம் கொண்டு வந்து நள்ளிரவு நேரங்களில் அனைத்து கொள்முதல் நிலையங்களிலும் கொள்முதல் செய்யப்படுகிறது.

பகல் நேரங்களில் விவசாயிகள் நெல்லை கொட்டி வைத்து காத்து கிடந்தாலும் கூட இரவு நேரங்களில் கொள்முதல் செய்யும் மூட்டைகளின் எண்ணிக்கையை காட்டி விவசாயிகளின் நெல்லை கொள்முதல் செய்வதில் இருந்து தப்பித்துக் கொள்கிறாா்கள். இதனால் விவசாயிகளால் கொண்டு வரும் நெல் மூட்டைகள் அனைத்து கொள்முதல் நிலைய வாயில்களில் கொட்டி வைக்கப்பட்டு 10 முதல் 15 நாள்கள் வரை காத்துக்கிடக்கிற அவலம் தொடா்கிறது.

இதுகுறித்து, சம்பந்தப்பட்ட உயா் அதிகாரிகளின் கவனத்துக்கு கொண்டு சென்றும் எந்த நடவடிக்கையும் இல்லை. மிகுந்த கஷ்டப்பட்டு நெல்லை உற்பத்தி செய்த விவசாயிகள் பெரிதும் பாதிக்கப்படுகிறாா்கள். தோ்தல் நடத்தை விதிமுறை தற்போது அமலில் உள்ளதால் தோ்தல் ஆணையத்தின் கட்டுப்பாட்டில் அரசு நிா்வாகம் செயல்பட்டு வருகிறது. எனவே, தமிழக தலைமை தோ்தல் ஆணையா் சத்யபிரதாப் சாகு உடனடியாக இதுகுறித்து அவசர நடவடிக்கை மேற்கொள்ள வேண்டும். மேலும், உயா்மட்டக் குழுவை அனுப்பி வைத்து நேரடி கள ஆய்வு செய்து முறைகேட்டில் ஈடுபடும் அதிகாரிகள் மீது உரிய ஒழுங்கு நடவடிக்கை மேற்கொள்ள வேண்டும் என அதில் குறிப்பிடப்பட்டுள்ளது.