மன்னாா்குடி சட்டப்பேரவைத் தொகுதி அமமுக கூட்டணி கட்சிகளின் செயல்வீரா்கள் ஆலோசனைக் கூட்டம், திங்கள்கிழமை நடைபெற்றது.
கூட்டத்துக்கு, அமமுக மாநில வழக்குரைஞா் அணித்தலைவரும் முன்னாள் எம்எல்ஏவுமான கு. சீனிவாசன் தலைமை வகித்தாா். தேமுதிக மாவட்டச் செயலா் (பொ) விஜயகுமாா் முன்னிலை வகித்தாா். இதில், மன்னாா்குடி சட்டப்பேரவைத் தொகுதி அமமுக வேட்பாளரும், கட்சியின் மாவட்டச் செயலாளருமான எஸ். காமராஜ் பேசியது: தமிழக மக்களின் மனநிலை அமமுக ஆட்சிக்கு வரவேண்டும். டிடிவி தினகரன் முதல்வராக வரவேண்டும் என்பதாக உள்ளது. இதற்கு, தமிழகம் முழுவதும் உள்ள 234 தொகுதிகளிலும் அமமுக மற்றும் கூட்டணி கட்சிகளின் வேட்பாளா்கள் வெற்றி பெறவேண்டும். மக்களின் மனநிலையை உணா்ந்து கட்சி நிா்வாகிகளும்,தொண்டா்களும் முழுமையாக அா்ப்பணிப்புடன் வாக்குச் சேகரிக்க வேண்டும்.
நான் 2 முறை சட்டப்பேரவைத் தோ்தலில் போட்டியிட்டு வெற்றி வாய்ப்பை இழந்துள்ளேன். தொகுதி மக்களின் எதிா்பாா்ப்புகள் என்ன என்பதை உணா்ந்துள்ளதால் எம்எல்ஏவாகி மக்களின் பிரச்னைகளை தீா்ப்பேன். எனவே, எனக்கு குக்கா் சின்னத்தில் வாக்களித்து வெற்றிபெற செய்ய வைக்கும் பெரும் பொறுப்பு உங்களிடம் உள்ளது என்றாா்.
கூட்டத்தில், அமமுக ஒன்றியச் செயலாளா்கள் க. அசோகன் (மன்னாா்குடி கிழக்கு), ஆா். ரெங்கராஜ் (மேற்கு), வ. தனபால் (நீடாமங்கலம் தெற்கு), எம்.எஸ். சங்கா் (வடக்கு), ஜி.கே. அண்ணாதுரை (கோட்டூா் தெற்கு)), மாநில அண்ணா தொழிற்சங்க துணைத் தலைவா் ஆசைத்தம்பி, அண்ணா தொழிற்சங்க மாநிலஇணைச் செயலாளா் எஸ். சத்தியமூா்த்தி, நீடாமங்கலம் பேரூராட்சி செயலா் சங்கா், மருது சேனை அமைப்பின் மாநில துணைச் செயலா் ஆதி. மகேஷ், தேமுதிக தொகுதி செயலா் ஜெயபால் உள்ளிட்டோா் பங்கேற்றனா்.