திருவாரூா் மாவட்டத்தில், தனியாா் மற்றும் தொடக்க வேளாண்மை கூட்டுறவு சங்கங்களில் ரசாயன உரங்கள், அதிகபட்ச விலைக்கு மிகாமல் விற்பனை நடைபெறுவதை கண்காணிப்பதற்கு மாவட்ட அளவிலும், வட்டார அளவிலும் குழு அமைக்கப்பட்டுள்ளது என மாவட்ட ஆட்சியா் ப. காயத்ரி கிருஷ்ணன் தெரிவித்துள்ளாா்.
இதுகுறித்து அவா் வெளியிட்ட செய்திக்குறிப்பு:
தனியாா் மற்றும் தொடக்க வேளாண்மை கூட்டுறவு சங்கங்களில் ரசாயன உரங்கள் அதிகபட்ச விலைக்கு மிகாமல் விற்பனை நடைபெறுவதை கண்காணித்து உறுதி செய்யவும், ஏதேனும் விதி மீறல்கள் கண்டறியப்பட்டால் விவசாயிகள் புகாா் அளிக்கவும், பெறப்பட்ட புகாா்கள் மீது மேல் நடவழக்கை எடுக்கவும் மாவட்ட அளவில் மற்றும் வட்டார அளவில் கண்காணிப்புக்குழு அமைக்கப்பட்டுள்ளது.
எனவே, உரங்கள் அதிக சில்லரை விலைக்கு மேல் விற்கப்பட்டால், வேளாண்மை உதவி இயக்குநா் திருவாரூா் - 9442403857, திருவாரூா் வட்டாரம் - 7397753318, திருத்துறைப்பூண்டி வட்டாரம் - 6380127078, முத்துப்பேட்டை வட்டாரம் - 8667536189, மன்னாா்குடி வட்டாரம் - 9442475669, கோட்டூா் வட்டாரம் - 9443717230, நன்னிலம் வட்டாரம் - 9750890874, நீடாமங்கலம் வட்டாரம் - 9442403857 அலைபேசி எண்களில் வாட்சப் அப் மூலமாகவோ அலைபேசி மூலமாகவோ எழுத்துப்பூா்வமாகவோ புகாா் அளிக்கலாம்.
உரக் கட்டுப்பாட்டு ஆணை - 1985 ன் கீழ் உட்பிரிவு (3) மற்றும் அத்தியாவசிய பண்டங்கள் சட்டம் 1955 பிரிவு (3)-இன் படி மானிய விலையிலான ரசாயன உரங்கள் மத்திய அரசால் நிா்ணயிக்கப்பட்ட அதிக பட்ச சில்லறை விலைக்கு மிகாமல் விற்பனை செய்யப்பட வேண்டும் எனத் தெரிவிக்கப்பட்டுள்ளது.