வாய்க்காலில் காா் கவிழ்ந்து விபத்து

நன்னிலம் அருகே வாய்க்காலில் ஞாயிற்றுக்கிழமை காா் கவிழ்ந்து விபத்துக்குள்ளானது.

காரைக்கால் அருகே உள்ள திருமலைராயன்பட்டினத்தைச் சோ்ந்தவா் அழகரசன் (40). இவா், தனது தாய், மனைவி மற்றும் 3 குழந்தைகளுடன் ஸ்ரீவாஞ்சியம் வாஞ்சிநாத சுவாமி கோயிலில் வழிபட காரில் ஞாயிற்றுக்கிழமை வந்தாா்.

இவா்கள், வழிபாட்டை முடித்துக்கொண்டு, இரவில் ஊருக்குத் திரும்பிக்கொண்டிருந்தனா். கும்பகோணம்- நாகை சாலையில் நன்னிலம் அருகே சிகாா்ப்பாளையம் பகுதியில் செல்லும்போது, ஓட்டுநரின் கட்டுப்பாட்டை இழந்த காா், சாலையோர வாய்க்காலில் கவிழ்ந்தது.

வாய்க்காலில் தண்ணீா் குறைவாக இருந்ததால் சிறு காயங்களுடன் அதிருஷ்டவசமாக உயிா்தப்பினா். அவா்களது அலறல் சத்தம் கேட்டு அந்த வழியாக வந்தவா்கள், நன்னிலம் தீயணைப்பு நிலையம் மற்றும் காவல்துறையினருக்கு தகவல் தெரிவித்ததுடன், 6 பேரையும் மீட்டு, சிகிச்சைக்காக நன்னிலம் அரசு மருத்துவமனைக்கு அனுப்பிவைத்தனா்.

இந்த விபத்து குறித்து நன்னிலம் போலீஸாா் விசாரணை மேற்கொண்டு வருகின்றனா்.

கோரிக்கை: இந்தப் பகுதியில் அடிக்கடி விபத்து நேரிடுவதால், சாலையோரம் தடுப்புகளும், வேகத்தடையும் அமைக்க வேண்டும் என சமூக ஆா்வலா்கள் கோரிக்கை விடுத்துள்ளனா்.