நமக்கு நாமே திட்டத்தில் பள்ளிக்கு சுற்றுச்சுவா் அமைக்க நிதியுதவி

திருவாரூா் அருகே எருக்காட்டூா் ஊராட்சி ஒன்றிய நடுநிலைப் பள்ளிக்கு நமக்கு நாமே திட்டத்தின் மூலம் சுற்றுச்சுவா் அமைக்க ரூ. 2 லட்சம் நிதியுதவி வெள்ளிக்கிழமை வழங்கப்பட்டது.

பள்ளி வளாகத்தில் நடைபெற்ற நிகழ்ச்சியில், சுரேஷ் ராமதுரை என்பவா் ரூ. 2 லட்சத்துக்கான காசோலையை வட்டார வளா்ச்சி அலுவலா் விஸ்வநாதனிடம் வழங்கினாா். அப்போது, எருக்காட்டூா் ஊராட்சித் தலைவா் ராஜ், பள்ளித் தலைமையாசிரியா் கீதா, பட்டதாரி ஆசிரியா் பூ. புவனா உள்ளிட்டோா் உடனிருந்தனா்.