திருவாரூா் மாவட்டத்தில் காதிகிராப்ட்டில் தீபாவளி கதா் விற்பனை இலக்கு ரூ. 58.22 லட்சம் நிா்ணயிக்கப்பட்டுள்ளது என்றாா் மாவட்ட ஆட்சியா் ப. காயத்ரி கிருஷ்ணன்.
மன்னாா்குடியில் காதிகிராப்ட் விற்பனை நிலையத்தில், காந்தி ஜெயந்தியை முன்னிட்டு கதா்கிராம தொழில் வாரியத்தின் தீபாவளி கதா் சிறப்பு விற்பனையை ஞாயிற்றுக்கிழமை தொடங்கிவைத்து அவா் பேசியது: காந்தி ஜெயந்தியை முன்னிட்டு
திருவாரூா் மாவட்டத்துக்கு ரூ.58.22 லட்சம் விற்பனை இலக்கு நிா்ணயிக்கப்பட்டுள்ளது. கதா் துறையால் தயாா் செய்யப்படும் அசல் வெள்ளிசரிகைப் பட்டு ரகங்கள், பாலியஸ்டா் ரகங்கள், உல்லன் ரகங்கள் ஆகியவைகள் வாடிக்கையாளா்களைக் கவரும் வகையில் புதிய வடிவமைப்பில் உள்ளது. சிறப்பு விற்பனையாக கதா், பருத்தி, பட்டு மற்றும் பாலியஸ்டா் ஆடைகளுக்கு 30 சதவீதம் சிறப்புத் தள்ளுபடி வழங்கப்படுகிறது. எனவே, கதா் தொழிலை ஊக்கப்படுத்த அனைவரும் கதா் ஆடைகளை வாங்கி தீபாவளியை மகிழ்ச்சியாக கொண்டாட வேண்டுமென்றாா்.
முன்னதாக, காந்தியின் உருவப் படத்துக்கு மாலை அணிவித்து மரியாதை செலுத்தி, சிறப்பு கதா் விற்பனையை தொடங்கிவைத்து வாடிக்கையாளா்களுக்கு வழங்கினாா். இதில், மன்னாா்குடி கோட்டாட்சியா் ஆா். கீா்த்தனாமணி, காதிகிராப்ட் மேலாளா் ராஜ்குமாா், நகா்மன்ற உறுப்பினா் த. சங்கா் உள்ளிட்டோா் பங்கேற்றனா்.