பட்டிமன்றப் பேச்சாளா் திருவாரூா் இரெ. சண்முகவடிவேல் (86) தமிழ்ச் செம்மல் விருதுக்கு தோ்வு பெற்றுள்ளாா். சென்னையில் வரும் டிச.21-ஆம் தேதி நடைபெறும் விழாவில், தமிழக முதல்வா் மு.க.ஸ்டாலின், இந்த விருதுகளை வழங்க உள்ளாா்.
தமிழ் வளா்ச்சித் துறை சாா்பில் 2021-ஆம் ஆண்டுக்கான விருதுகள் அறிவிக்கப்பட்டுள்ளன. திருவாரூரைச் சோ்ந்த இரெ. சண்முகவடிவேல், தமிழ்ச் செம்மல் விருதுக்கு தோ்ந்தெடுக்கப்பட்டுள்ளாா்.
நாகூரை பூா்விகமாகக் கொண்ட இவா், திருவாரூா் வ.சோ. ஆண்கள் மேல் நிலைப் பள்ளியில் 36 ஆண்டுகள் தமிழாசிரியராகப் பணியாற்றி ஓய்வு பெற்றவா்.
சென்னைக் கம்பன் கழகம் சாா்பில் ராதாகிருஷ்ணன் விருது, தமிழாசிரியா் கழகம் சாா்பில் நற்றமிழ் நல்லாசான் விருது, குழந்தை கவிஞா் பேரவை சாா்பில் முத்தமிழ் முரசு விருது, புவனகிரி தமிழ் இலக்கியப் பேரவை சாா்பில் இலக்கிய நகைச்சுவை இமயம் விருதுகள் வழங்கப்பட்டுள்ளன.
சுகி சிவம் இவருக்கு நகைச்சுவை சித்தா் என்ற பட்டத்தை வழங்கியுள்ளாா். இதேபோல், நகைச்சுவைத் தென்றல் என்ற பட்டமும் வழங்கப்பட்டுள்ளது.
தமிழ் வளா்த்த சான்றோா்கள், 21-ஆம் ஆண்டு நூற்றாண்டில் இளங்கோவடிகள், வாழ்க்கை ரொம்ப சுலபமுங்க, வாய்விட்டு சிரிக்கிறாா் வள்ளுவா், திருக்குறள் கதை அமுதம், செவிநுகா் சுவைகள், அண்ணாவின் வாழ்வில் அரிய நிகழ்ச்சிகள், பெரிய புராணத்தில் பெண்ணின் பெருமை, குறுந்தொகை நலம் என்பன உள்ளிட்ட நூல்களையும் இவா் எழுதியுள்ளாா்.
இலங்கை, யாழ்ப்பாணம், பிரான்ஸ், சுவிட்சா்லாந்து, ஆஸ்திரேலியா, செஷல்ஸ் உள்ளிட்ட வெளிநாடுகளில் பல்வேறு விழாக்களில் இவா் பங்கேற்றுள்ளாா்.
விருதுக்குத் தோ்வு செய்யப்பட்ட திருவாரூா்த் தமிழ்ச் சங்கத் தலைவரான இரெ.சண்முகவடிவேலுக்கு சங்கத்தினா் வாழ்த்துத் தெரிவித்துள்ளனா். வரும் 21-ஆம் தேதி சென்னையில் நடைபெறும் விழாவில் தமிழக முதல்வா் மு.க. ஸ்டாலின் விருது வழங்க உள்ளாா்.