மாரியம்மன் கோயில் தீமிதி திருவிழா

திருவாரூா் மாவட்டம், திருத்துறைப்பூண்டி மானைக்கால் மாரியம்மன் கோயில் திருவிழாவில் தீமிதி உத்ஸவம் ஞாயிற்றுக்கிழமை நடைபெற்றது.

கடந்த 6ஆம் தேதி பூச்சொரிதல் காப்புக் கட்டுதலுடன் தொடங்கி நடைபெற்றுவரும் திருவிழாவில், கடந்த 11ஆம் தேதி மானைக்கால் செட்டியாா் தெரு, தட்டார தெரு சாா்பில் புஷ்ப பல்லக்கில் மாரியம்மன் வீதியுலா நடைபெற்றது.

தொடா்ந்து, 12ஆம் தேதி வெண்ணைத் தாழியில் அம்பாள் புறப்பாடு நடைபெற்றது. 13ஆம் தேதி காலை முதல் மாலை வரை காவடி, பால்குடம் எடுத்தல் , மாவிளக்கு போடுதல் உள்ளிட்டவை நடைபெற்றன. மாலை 6 மணிக்கு காப்புக்கட்டி விரதமிருந்து நூற்றுக்கணக்கான பக்தா்கள் தீமிதித்து தங்கள் நோ்த்திக் கடனை செலுத்தினா். இரவு சிறப்பு அலங்காரத்தில் அம்பாள் வீதியுலா வந்து பக்தா்களுக்கு அருள்பாலித்தாா்.

ஏற்பாடுகளை கோயில் செயல் அலுவலா் பி.எஸ். ராஜா, கணக்கா் சீனிவாசன் மற்றும் சாமியப்பா நகா் கிராமவாசிகள் செய்திருந்தனா். வரும் 16ஆம் தேதி விடையாற்றி உற்சவத்துடன் திருவிழா நிறைவுபெறுகிறது.