மன்னார்குடியில் பெரியார் சிலைக்கு திமுக பொருளாளர் டி. ஆர் .பாலு மரியாதை

மன்னார்குடியில் தந்தை பெரியார் சிலைக்கு திமுக பொருளாளர் டி. ஆர் .பாலு மாலை அணிவித்தார்.

திருவாரூர் மாவட்டம், மன்னார்குடியில் தந்தை பெரியார் 50-ஆவது நினைவு நாள் ஞாயிற்றுக்கிழமை கடைபிடிக்கப்பட்டது. மன்னார்குடி மேலராஜ வீதியில் உள்ள தந்தை பெரியார் சிலைக்கு திமுக பொருளாளரும் எம்பியுமான டி.ஆர்.பாலு மாலை அணிவித்து மரியாதை செலுத்தினார்.

நிகழ்ச்சியில் , மாவட்ட ஊராட்சித் தலைவர் ஜி.பாலு , திமுக நகரச் செயலாளர் வீரா. கணேசன், மன்னார்குடி தெற்கு ஒன்றியச் செயலாளர் டி.எஸ்.டி. முத்துவேல் , மத்திய ஒன்றிய செயலாளர் சித்தேரி சிவா, கோட்டூர் ஒன்றியச் செயலாளர் வி.எஸ்.ஆர்.தேவதாஸ், பால.ஞானவேல், மன்னார்குடி நகர மன்றத் தலைவர் மன்னை  த.சோழராஜன் உள்ளிட்டோர் கலந்து கொண்டனர் .

திராவிட கழகத்தின் சார்பில் மாவட்டத் தலைவர் ஆர்.பி.எஸ். சித்தார்த்தன் தலைமையில்  தந்தை பெரியார் சிலைக்கு மாலை அணிவிக்கப்பட்டது. இதில்,நகரத் தலைவர் எஸ்.என்.உத்ராபதி,நகரச் செயலாளர் மு.ராமதாசு, ஒன்றியத் தலைவர் மு. தமிழ்ச்செல்வம், மாவட்ட அமைப்பாளர் ஆர்.எஸ். அன்பழகன், மாவட்ட பகுத்தறிவாளர் கழக தலைவர் வை.கெளதமன் உள்ளிட்ட ஏராளமானோர் கலந்து கொண்டனர்.

இதே போன்று மன்னார்குடியை அடுத்துள்ள உள்ளிக்கோட்டை, மேலவாசல், வடுவூர், செருமங்கலம்,மேல திருப்பாலைக்குடி, கோட்டூர், விக்கிரபாண்டியம் ஆகிய இடங்களில் உள்ள தந்தை பெரியார் சிலைக்கு பல்வேறு அரசியல் கட்சியினர் மாலை அணிவித்து மரியாதை செலுத்தினர்.