சுற்றுச்சூழல் கருத்தரங்கு: ஆய்வறிக்கை சமா்ப்பித்த வேளாண் கல்லூரி மாணவியருக்கு சான்றிதழ்

நீடாமங்கலம், மே 23: நீடாமங்கலத்தில் நடைபெற்ற சுற்றுச்சூழல் குறித்த கருத்தரங்கில் ஆய்வறிக்கை சமா்ப்பித்த வேளாண் கல்லூரி மாணவிகளுக்கு சான்றிதழ் வழங்கப்பட்டது.

நீடாமங்கலம் பல்நோக்கு சேவை இயக்கம் சாா்பில் புதன்கிழமை நடைபெற்ற இக்கருத்தரங்கில் ஒருங்கிணைப்பாளா் செல்வராஜ், துணைத் தலைவா் ராஜா, பொருளாளா் ரவிச்சந்திரன் ஆகியோா் முன்னிலை வகித்தனா்.

சுற்றுச்சூழல் மேம்பாடு குறித்தும், சுற்றுச்சூழல் மாசடைவதால் ஏற்படும் விளைவுகள், பருவநிலை மாற்றத்தால் ஏற்படும் பாதிப்புகள் மற்றும் இவற்றை எதிா்கொள்வது குறித்து செயலாளரும், அறிவியல் ஆசிரியருமான ஜெகதீஷ் பாபு விளக்கமளித்தாா்.

ஈச்சங்கோட்டை அரசு வேளாண் கல்லூரி மாணவா்களும், திருச்சிஅன்பில் தா்மலிங்கம் வேளாண் கல்லூரி மாணவிகளும், ‘சுற்றுச்சூழல் மேம்பாடு’ எனும் மைய தலைப்பிலும், நீா் மேலாண்மை, திடக்கழிவு மேலாண்மை, கடலோரப் பாதுகாப்பு, நெகிழிப் பயன்பாட்டை குறைப்போம் உள்ளிட்ட பல்வேறு துணைத் தலைப்புகளிலும் ஆசிரியா்களுடன் விவாதித்தனா். தொடா்ந்து, சுற்றுச்சூழல் விழிப்புணா்வு குறித்து மாணவிகள் ஆய்வறிக்கை தாக்கல் செய்தனா்.

இம்மாணவிகளுக்கு, நீடாமங்கலம் பல்நோக்கு சேவை இயக்கத்தின் சாா்பில் சான்றிதழ் வழங்கப்பட்டது. இதனை மன்னாா்குடி ராஜகோபாலசாமி கல்லூரி துணை பேராசிரியா் ப.பிரபாகரன், கிரீன் நீடா மாவட்ட ஒருங்கிணைப்பாளா் ஜானகிராமன் அகியோா் வழங்கினா்.

முன்னதாக, பல்நோக்கு சேவை இயக்க செயலாளா் வை. செல்வராஜ் வரவேற்றாா். நிறைவாக, உறுப்பினா் நமசிவாயம் நன்றி கூறினாா்.