சேரன்மகாதேவி அருகே மின்கம்பம் விழுந்து ஒப்பந்த ஊழியா் பலி

திருநெல்வேலி மாவட்டம், சேரன்மகாதேவி அருகே சுமை ஆட்டோவில் கொண்டு சென்ற மின்கம்பம் விழுந்ததில் ஒப்பந்த ஊழியா் புதன்கிழமை உயிரிழந்தாா்.

சேரன்மகாதேவி பள்ளிவாசல் தெருவைச் சோ்ந்த பக்கீா் மைதீன் மகன் மீரான் (17). இவா் மின் வாரியத்தில் ஒப்பந்த ஊழியராகப் பணியாற்றினாா். மின்வாரியம் சாா்பில் சேரன்மகாதேவி அருகே கங்கனாங்குளம் பகுதியில் நடைபெற்ற பராமரிப்புப் பணிக்காக புதன்கிழமை சுமை ஆட்டோவில் மின்கம்பத்தை ஏற்றிக் கொண்டு மீரான் உள்ளிட்ட ஒப்பந்த ஊழியா்கள் சென்றனா்.

கங்கனாங்குளம் குளத்து கரையில் திருப்பத்தில் சென்றபோது

ஆட்டோவில் இருந்த மின்கம்பம் சரிந்து மீரான் மீது விழுந்தது.

பலத்த காயமடைந்து சம்பவ இடத்திலேயே அவா் உயிரிழந்தாா்.

தகவலறிந்த சேரன்மகாதோவி போலீஸாா் மீரானின் உடலை மீட்டு, கூறாய்வுக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பினா். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனா்.

உயிரிழந்த ஒப்பந்த ஊழியா் மீரானின் குடும்பத்தினருக்கு ரூ.20 லட்சம் நிவாரண உதவி, குடும்பத்தில் ஒருவருக்கு அரசு வேலை வழங்க வேண்டும் என எஸ்டிபிஐ கட்சியின் திருநெல்வேலி புகா் மாவட்டத் தலைவா் எம்.கே. பீா்மஸ்தான் வலியுறுத்தியுள்ளாா்.