வாஞ்சிநாதன் நினைவு தினத்தை முன்னிட்டு செங்கோட்டை முத்துசாமி பூங்காவில் உள்ள நினைவு மணி மண்டபத்தில்அமைந்துள்ள அவரது சிலைக்கு மாவட்ட ஆட்சியா் ஜி.கே. அருண்சுந்தா்தயாளன் புதன்கிழமை மாலை அணிவித்தாா்.
நிகழ்ச்சியில் வட்டாட்சியா் கங்கா, வருவாய் ஆய்வாளா் யாஸ்மீன், நகராட்சி ஆணையாளா் (பொறுப்பு ) கண்ணன், சுகாதார ஆய்வாளா் மகேஷ்வரன், வாஞ்சி இயக்கத்தின் நிறுவனா் தலைவா் ராமநாதன், வாஞ்சியின் தம்பி மகன் ஹரிஹர சுப்பிரமணி யனின் மகன் வாஞ்சிகோபாலகிருஷ்ணன், உதவி மக்கள்தொடா்பு அலுவலா் ராமச்சந்திர பிரபு ஆகியோா் கலந்துகொண்டனா்.
பின்னா், ஆட்சியா் கூறியது: தென்காசி மாவட்டத்தில் கரோனா தடுப்பு பணிகள் தீவிரமாக மேற்கொள்ளப்பட்டுள்ளன.
மாவட்ட எல்லைகளில் கண்காணிப்பு பணிகள் தீவிரப்படுத்தப்பட்டுள்ளன. தென்காசி மாவட்டத்தில் 900 படுக்கை வசதியுடன் 5 கரோனா சிகிச்சை மையங்கள் தயாராக உள்ளன. பொதுமக்கள் வெளியே வரும்போது கண்டிப்பாக முகக் கவசம் அணிந்து வர வேண்டும். கரோனா தடுப்புப் பணிகளில் அரசுக்கு மக்கள் ஒத்துழைப்பு அளிக்க வேண்டும் என்று குறிப்பிட்டாா்.