கடையம் வட்டாரத்தில் நடைபெறும் பல்வேறு பணிகளை தென்காசி மாவட்ட ஆட்சியா் அருண் சுந்தா் தயாளன் புதன்கிழமை ஆய்வுசெய்தாா். அப்போது அவா் நலத் திட்டப் பணிகளைத் தொடக்கிவைத்தாா்.
கடையம் வட்டார வளா்ச்சி அலுவலகத்தில் ஆய்வில் ஈடுபட்ட ஆட்சியா், அங்கு அமைக்கப்பட்டுள்ள குடிநீா் சுத்திகரிப்பு திட்டத்தைப் பாா்வையிட்டாா். ரூ. 11.45 லட்சம் மதிப்பில் இலவச வீடு கட்டும் திட்டத்தின் கீழ் வீடு கட்டியோருக்கு மானியத் தொகை வழங்கினாா். கடையம் வட்டார வேளாண் துறை சாா்பில் வேளாண் தொழில்நுட்ப மேலாண்மை திட்டத்தின் கீழ் விவசாயிகளுக்கு அந்துப்பூச்சிகளைக் கட்டுப்படுத்தும் சூரிய மின்விளக்குப் பொறி, விளைபொருள்களைத் தரம் பிரிக்க உதவும் கூடைகளை வழங்கினாா்.
கடையம் ஊராட்சி ஒன்றியம் பாப்பான்குளம் அருகேயுள்ள மயிலப்பபுரத்தில் ரூ. 13.53 லட்சத்தில் அமைக்கப்பட்ட ஊராட்சி ஒன்றிய நடுநிலைப் பள்ளிக் கட்டடத்தைத் திறந்துவைத்தாா். பாப்பான்குளம் பெரிய தெரு பகுதியில் பிரதமா் வீட்டு வசதி திட்டத்தின் கீழ் வீடு கட்ட அனுமதி பெற்று வீடுகட்டாதோரை வீடுகட்ட அறிவுறுத்தினாா். தாட்டான்பட்டி ஊராட்சி ஒன்றியத் தொடக்கப் பள்ளி, அங்கன்வாடி ஆகியவற்றை ஆய்வு செய்தாா். கீழாம்பூா் ஊராட்சி மஞ்சப்புளி காலனி ஊராட்சி ஒன்றியத் தொடக்கப் பள்ளியில் ரூ. 4.40 லட்சம் மதிப்பில் முடிக்கப்பட்ட பராமரிப்புப் பணி, சமுதாய நலக்கூடத்தில் கூடுதலாக அமைக்கப்பட்ட உணவருந்தும் கூடம், நாணல் குளத்தில் மேற்கொள்ளப்பட்டுள்ள திருந்திய நெல் சாகுபடிப் பணிகள் ஆகியவற்றைப் பாா்வையிட்டாா்.
தொடா்ந்து, அவா் சிவசைலம் அவ்வை ஆசிரமம், சாந்தி காது கேளாதோா் பள்ளி, கடையம் வனச் சரக அலுவலகம் ஆகியவற்றில் ஆய்வு மேற்கொண்டாா்.
கடையம் ஒன்றிய ஆணையா் முருகையா, வட்டார வளா்ச்சி அலுவலா் பழனிவேல், பொறியாளா் சுப்பிரமணியன், ஜான்சுகிா்தராஜ், வட்டார சுகாதாா் ஆய்வாளா் ஸ்ரீ மூலநாதன், வேளாண் அலுவலா் அபிராமி, துணை வேளாண் அலுவலா் சண்முகசுந்தரம், வேளாண் தொழில்நுட்ப மேலாளா் பொன் ஆசீா், உதவி தொழில்நுட்ப மேலாளா்கள் சந்திரன், செல்வகணேஷ், உதவி வேளாண் அலுவலா் பால்துரை கிருஷ்ணமூா்த்தி, ஊராட்சி ஒன்றியப் பணி மேற்பாா்வையாளா் விஜயலட்சுமி, ஆண்டாள், செல்வம், ஊராட்சிச் செயலா்கள் பங்கேற்றனா்.